21 снежня, Мінск /Ганна Кот - БЕЛТА/. Памеры ставак падаходнага падатку ў дачыненні да даходаў фізічных асоб ад здачы жылых памяшканняў у наём з 1 студзеня 2013 года будуць павялічаны ў Беларусі. Пра гэта карэспандэнту БЕЛТА паведаміў міністр па падатках і зборах Уладзімір Палуян. "Так, у адпаведнасці са змяненнямі, унесенымі ў Падатковы кодэкс Беларусі, з 1 студзеня 2013 года максімальныя межы ставак павялічваюцца на 22%", - адзначыў міністр. У той жа час Падатковым кодэксам прадугледжаны толькі верхнія і ніжнія межы ставак падатку, а канкрэтны памер такіх ставак на 2013 год будзе ўстаноўлены абласнымі і Мінскім гарадскім Саветамі дэпутатаў у залежнасці ад катэгорыі населенага пункта, у якім знаходзіцца памяшканне, што здаецца ў наём, растлумачыў Уладзімір Палуян.-0-

БЕЛТА