Студэнты Віцебскага дзяржаўнага медыцынскага ўніверсітэта 31 мая - 1 чэрвеня здзейсняць веласіпедны паход па мясцінах жорсткіх баёў у гады Вялікай Айчыннай вайны, паведамілі БЕЛТА ва ўстанове.
На плошчы Перамогі ля вечнага агню сёння адбудзецца ўрачыстая адпраўка студэнтаў у веласіпедны паход, прысвечаны 75-годдзю вызвалення Беларусі ад нямецка-фашысцкіх захопнікаў. Маршрут пройдзе па тэрыторыі Віцебскага і Бешанковіцкага раёнаў працягласцю больш за 45 км. У кожным населеным пункце ўдзельнікі ўскладуць кветкі да помнікаў і воінскіх пахаванняў героям Вялікай Айчыннай вайны. Спынку на начлег плануецца зрабіць у вёсцы Крупеніна Бешанковіцкага раёна. Тут арганізатары падрыхтавалі насычаную спартыўную і культурную праграму. Удзельнікаў чакаюць валейбольныя баталіі, міні-футбол, конкурс турыстычнага побыту і мастацкай самадзейнасці.
Ідэя паходу ўзнікла больш шасці гадоў таму. Яго мэта - грамадзянска-патрыятычнае выхаванне студэнцкай моладзі ўстановы, прапаганда і папулярызацыя веласпорту, турызму, здаровага і актыўнага ладу жыцця.