19 верасня, Віцебск /Дзіяна Курыло - БЕЛТА/. Судовае разбіральніцтва па справе эксперта, які не правёў дактыласкапію аднаго з абвінавачаных у выбуху ў мінскім метро, пачнецца 26 верасня ў Віцебскім абласным судзе, паведаміў карэспандэнту БЕЛТА старшыня Віцебскага абласнога суда Мікалай Хамічонак. Следчым аддзелам пракуратуры Віцебскай вобласці было праведзена расследаванне крымінальнай справы па абвінавачванні аднаго са супрацоўнікаў органаў унутраных спраў УУС Віцебскага аблвыканкама ў здзяйсненні злачынства, прадугледжанага арт.428 КК РБ "Службовая халатнасць". Гэта справа непасрэдна звязана са справай, якая была ўзбуджана Генеральнай пракуратурай па арт.289 "Тэрарызм" КК Беларусі. У ходзе папярэдняга расследавання было ўстаноўлена, што 20 студзеня 2009 года ў гарадскім ваенным камісарыяце эксперт УУС Віцебскага аблвыканкама не прыняў меры па правядзенні дактыласкапіі прызыўніка, які падлягаў абавязковаму дзяржаўнаму дактыласкапічнаму ўліку як ваеннаабавязаная асоба. Паверыўшы на слова маладому чалавеку, эксперт прадставіў у асабістую справу прызыўніка даведку аб тым, што той раней прайшоў дактыласкапію і неабходнасці ў яе паўторным правядзенні няма. Пры гэтым супрацоўнік праваахоўных органаў не ўпэўніўся ў праўдзівасці заявы прызыўніка. Такім чынам эксперт вызваліў яго ад дактыласкапічнага ўліку, інфармацыя аб ім не была змешчана ў банк дактыласкапічных даных, малады чалавек не быў правераны на датычнасць да выбуху ў Мінску 4 ліпеня 2008 года, што дазволіла яму ў далейшым здзейсніць злачынства на станцыі метро ў Мінску. У цяперашні час у Мінску праходзіць судовы працэс па справе аб тэракце, які адбыўся 11 красавіка ў сталічным метро. На лаве падсудных знаходзяцца два ўраджэнцы ВіКовалёву інкрымінуецца ўдзел у 15 эпізодах па ч.6 арт.16 і ч.3 арт.289, ч.3 арт.295, ч.3 арт.339, ч.2 арт.339, ч.2 арт.218, ч.2 арт.405, ч.2 арт.406, ч.1 арт.406 КК РБ: саўдзел у форме дапамогі і здзяйсненне тэрарызму, здзяйсненне злоснага і асабліва злоснага хуліганства, наўмыснае знішчэнне маёмасці небяспечным для грамадства спосабам, у незаконных дзеяннях у дачыненні да выбуховых рэчываў. Ён абвінавачваецца і ва ўтойванні асобы, якая здзейсніла асабліва цяжкае злачынства, а таксама ў неданясенні аб здзейсненых і падрыхтоўваемых асабліва цяжкіх злачынствах. Максімальнае пакаранне, прадугледжанае самай цяжкай з прад'яўленых Канавалаву і Кавалёву арт.289 "Тэрарызм", - смяротнае пакаранне. Самы гучны эпізод справы - выбух 11 красавіка на станцыі метро "Кастрычніцкая", які забраў жыцці 15 чалавек, 11 з якіх загінулі на месцы. Таксама сотням людзей былі прычынены розныя раненні і маральныя пакуты. З-за тэракта на некалькі дзён была парушана нармальная праца метрапалітэна. Матэрыяльная шкода, прычыненая метро, склала больш Br2 млрд., а пацярпелым - не менш Br175 млн.-0-

БЕЛТА