Анамальна цёплае надвор'е без снегу з павышанай вільготнасцю і ападкамі, што ўстанавілася ў апошнія дні ва ўсіх рэгіёнах рэспублікі, негатыўна ўплывае на бяспеку дарожнага руху. Найбольш распаўсюджаны від ДТЗ ва ўмовах, што склаліся, – наезды на пешаходаў.
У цёмны час сутак інспектары ДПС надаюць павышаную ўвагу кантролю за выкананнем Правілаў дарожнага руху кіроўцамі і пешаходамі на ўчастках аўтамабільных дарог і вуліц населеных пунктаў з найбольш высокай рызыкай наездаў на пешаходаў. Асноўная доля падобных здарэнняў са смяротным зыходам прыпадае на цёмны час сутак, калі кіроўца не ў стане ўбачыць людзей, што выйшлі на праезную частку.Ва ўмовах, што склаліся, уразлівым удзельнікам дарожнага руху варта быць асабліва ўважлівымі, рухацца па тратуарах, пешаходных або веласіпедных дарожках, і толькі пры іх адсутнасці – па абочыне. У выпадках, калі абочыны не прыдатныя для руху, дазваляецца ісці па краі праезнай часткі, але толькі насустрач транспартнаму патоку!
Пры пагаршэнні бачнасці пешаходам рэкамендуецца надзяваць яркую вопратку, а ў цёмны час сутак – абавязкова карыстацца святлоадбівальнымі элементамі! Адбіваючыя павязкі, падвескі або жылеты дазваляюць пешаходу стаць заўважным у святле фар на адлегласці ад 130 да 400 метраў. Гэта дае кіроўцу 15-25 секунд для прыняцця мер, каб пазбегнуць наезду.
Святлоадбівальнікі варта размясціць з усіх бакоў для максімальнай іх бачнасці, на вышыні каля 80-100 см ад зямлі, гэта значыць на сцёгнах або грудзях у дарослага або на ўзроўні плячэй і галавы ў дзіцяці. Лепшым варыянтам з'яўляецца стужка даўжынёй не менш за 7 см. Варта размясціць хаця б адзін такі прадмет на вопратцы, астатнія могуць быць іншай формы і меншага памеру. Эфектыўней за ўсё выкарыстоўваць не менш за 4 святлоадбівальнікі.