25 ліпеня, Віцебск /Дзіяна Курыло - БЕЛТА/. Звыш паўтоны катрабандных сумак, скуранога адзення і абутку затрымалі супрацоўнікі Віцебскай мытні на станцыі "Орша-Усходняя", паведамілі карэспандэнту БЕЛТА ў Віцебскай мытні. Мабільная група аператыўна-пошукавага аддзела мытні, грунтуючыся на атрыманай аператыўнай інфармацыі, прыпыніла рух чыгуначнага вагона, які рухаўся з Германіі ў Казахстан транзітам праз Беларусь. У вагоне знаходзіўся 40-футавы кантэйнер, у якім, зыходзячы з прадстаўленых дакументаў, перавозілася адзенне секанд-хэнд. Аднак у ходзе правядзення аперацыі мытнага кантролю было ўстаноўлена, што ў кантэйнеры акрамя заяўленага адзення, што было ў ужытку, перамяшчаюцца сумкі, скуранае адзенне і абутак, якія не маюць прыкмет значнага зносу. Падобныя пераўтварэнні секанд-хэнда ў дабраякасныя рэчы з'яўляюцца прыкметай адміністрацыйнага правапарушэння, прадугледжаныя ч.5 арт.14.1 КоАП Беларусі. Пяць дзён таму было пачата апісанне незаяўленага тавару і падрыхтоўка яго да канфіскацыі згодна з пратаколам агляду. Агульная колькасць новага тавару на гэты час складае 500 кг. Яго канфіскацыя працягваецца. Кошт кантрабанды будзе падлічаны пазней.-0-

БЕЛТА