29 жніўня, Жабінка /Святлана Вечорка - БЕЛТА/. Тарыфная стаўка першага разраду з 1 верасня бягучага года ў Беларусі вырасце на 4-5%. Аб гэтым сёння паведаміў журналістам намеснік прэм'ер-міністра Анатоль Тозік, адказваючы на пытанне карэспандэнта БЕЛТА.
"Урад прапануе павысіць з 1 верасня тарыфную стаўку першага разраду настолькі, наколькі гэта дазваляе бюджэт. Праект дакумента знаходзіцца на ўзгадненні ў кіраўніка дзяржавы", - адзначыў віцэ-прэм'ер.
Вераснёўскае павышэнне тарыфнай стаўкі першага разраду стане трэцім у бягучым годзе. Так, з мэтай павышэння ўзроўню заработнай платы работнікаў бюджэтных арганізацый і частковай кампенсацыі расходаў, выкліканых ростам індэкса спажывецкіх цэн, яна павысілася з 1 студзеня з Br225 тыс. да Br240 тыс. З 1 красавіка тарыфная стаўка першага разраду для аплаты працы работнікаў бюджэтных арганізацый і іншых арганізацый, якія атрымліваюць субсідыі, работнікі якіх прыраўнаваны па аплаце працы да работнікаў бюджэтных арганізацый, была ўстаноўлена ў памеры Br250 тыс.
Павышэнне тарыфнай стаўкі першага разраду дазволіць павялічыць заработную плату работнікаў бюджэтнай сферы, колькасць якіх у краіне - каля 900 тыс. чалавек, а таксама павялічыць памеры дзяржаўных стыпендый навучэнцам.
Анатоль Тозік сёння прыняў удзел у абласным нарадзе педагагічных работнікаў Брэсцкай вобласці, якое адбылося ў Жабінцы.-0-