Тарыфы на электраэнергію для насельніцтва Беларусі з 1 лютага павялічваюцца на 18%

1 лютага, Мінск /Кар. БЕЛТА/. Тарыфы на электраэнергію для жыхароў Беларусі з 1 лютага павялічваюцца на 18%. Такое рашэнне змяшчаецца ў пастанове Савета Міністраў №63 ад 26 студзеня 2013 года, паведамілі БЕЛТА ў прэс-службе беларускага ўрада. Згодна з дакументам, электрычная энергія ў жылых дамах (кватэрах), абсталяваных ва ўстаноўленым парадку электрычнымі плітамі, па аднастафавым тарыфе з 1 лютага будзе каштаваць Br324,9 за 1 кВт.г (да гэтага Br274,4 за 1 кВт.г), па дыферэнцыраваным тарыфе - Br227,4 за 1 кВт.г у перыяд мінімальных нагрузак з 22.00 да 17.00 (раней Br192,1) і Br649,8 за 1 кВт.г у перыяд максімальных нагрузак з 17.00 да 22.00 (да гэтага Br548,8). Электраэнергія для патрэб ацяплення і гарачага водазабеспячэння з прысаедннай магутнасцю абсталявання больш за 5 кВт падаражэе да Br382,4 за 1 кВт.г у перыяд мінімальных нагрузак з 23.00 да 6.00 (раней Br323) і да Br1147,2 за 1 кВт.г у астатні час сутак (раней Br969). Электрычная энергія, за выключэннем указанай у папярэдніх выпадках, па аднастафавым тарыфе з 1 лютага абыдзецца жыхарам рэспублікі ў Br382,4 за 1 кВт.г (да гэтага Br323), па дыферэнцыраваным тарыфе - Br267,7 за 1 кВт.г у перыяд мінімальных нагрузак з 22.00 да 17.00 (раней Br226,1) і Br764,8 за 1 кВт.г у перыяд максімальных нагрузак з 17.00 да 22.00 (да гэтага Br646). Папярэдні раз тарыфы на электраэнергію для насельніцтва былі падвышаны з 1 студзеня 2013 года. У Беларусі з 1 лютага 2013 года таксама ўводзіцца дыферэнцыраваная аплата за электраэнергію і газазабеспячэнне. Гэта прадугледжана пастановай Савета Міністраў №52 ад 23 студзеня 2013 года. Згодна з дакументам, устанаўліваецца трохступенчатая сістэма тарыфаў у залежнасці ад аб'ёмаў спажывання электраэнергіі і газу. -0-