9 чэрвеня, Мінск /Кар. БЕЛТА/. Урачыстае прыняцце вайсковай прысягі навабранцамі, прызнанымі на тэрміновую службу ў органы памежнай службы Беларусі, адбудзецца ў Полацку, Смаргоні, Пінску, Дзяржынску 9 чэрвеня. Пра гэта паведамілі БЕЛТА ў прэс-цэнтры Дзяржпагранкамітэта. Каля 720 маладых людзей былі адабраны ў выніку вясновага прызыву, які сёлета ажыццяўляўся па новых правілах. Калі раней усе мерапрыемствы па прызыве ажыццяўляліся ў красавіку-ліпені, то з 2011 года яны перанесены на люты-май. Колькасць маладых людзей, прызваных на памежную службу, некалькі скарацілася ў параўнанні з мінулым годам. Гэта звязана з паэтапным пераходам да 2017 года камплектавання органаў памежнай службы на кантрактнай аснове. Па традыцыі ва ўрачыстых мерапрыемствах возьмуць удзел кіраўнікі Дзяржпагранкамітэта, мясцовых органаў улады, блізкія і сябры навабранцаў. -0-

БЕЛТА