Прафілактычная акцыя пройдзе з 25 жніўня па 5 верасня. Папярэджанню дзіцячага дарожна-транспартнага траўматызму будзе прысвечаны Адзіны дзень бяспекі дарожнага руху, які правядуць 25 жніўня пад дэвізам «Увага, бацькі, скончыліся канікулы!».
У пачатку навучальнага года дзяжурства нарадаў супрацоўнікаў дарожна-патрульнай службы будзе набліжана да ўстаноў адукацыі.
Кіроўцы транспартных сродкаў падчас правядзення акцыі павінны ездзіць у светлы час сутак з уключаным блізкім святлом фар (п.166.9 ПДР).
Супрацоўнікі ДАІ рэкамендуюць ім пры пад'ездзе да пешаходных пераходаў паблізу ўстаноў адукацыі загадзя зніжаць хуткасць і прадастаўляць перавагу пешаходам.
Бацькам дзяржаўтаінспектары нагадваюць, што галоўным прыкладам у жыцці кожнага дзіцяці з'яўляюцца мама і тата.