29 снежня, Віцебск /Дзіяна Курыло - БЕЛТА/. Замежныя інвестары выяўляюць цікавасць да будаўніцтва гідраэлектрастанцый у Беларусі, паведаміў карэспандэнту БЕЛТА намеснік міністра энергетыкі Міхаіл Міхадзюк. Нараўне з будаўніцтвам энергетычных аб'ектаў за ўласныя сродкі, сродкі інавацыйнага фонду і крэдытныя рэсурсы Мінэнерга прыцягвае ў электраэнергетыку і прамыя замежныя інвестыцыі, нягледзячы на тое, што гэта капіталаёмістыя аб'екты. Па словах Міхаіла Міхадзюка, у цяперашні час вядуцца перамовы з турэцкімі і кітайскімі кампаніямі па будаўніцтве гідраэлектрастанцый на Заходняй Дзвіне, Нёмане і Дняпры. "Замежныя інвестары выказалі зацікаўленасць да трох аб'ектаў: ​​Бешанковіцкай і Верхнядзвінскай станцый на Заходняй Дзвіне і Немноўскай ГЭС", - удакладніў намеснік міністра. Як паведамлялася раней, ужо дасягнуты дамоўленасці аб удзеле кітайскіх інвестараў у будаўніцтве Віцебскай ГЭС магутнасцю 40 МВт, якую плануецца ўвесці ў строй на рацэ Заходняя Дзвіна ў 2015 годзе. ГЭС дазволіць замяшчаць каля 42 тыс. тон паліва ў год. Дзяржаўны банк развіцця Кітая выдзеліць для фінансавання праекта $189 млн. Кантракт на будаўніцтва пад ключ аб'екта заключаны з Кітайскай нацыянальнай карпарацыяй па электрычным абсталяванні (CNEEC).-0-

БЕЛТА