Творчая група СТВ і галоўныя рэдактары газет паўночнага рэгіёну наведалі Лепельшчыну

14.6.20210 праглядаў

У Лепелі адбылася выязная нарада галоўных рэдактараў сродкаў масавай інфармацыі Віцебскай вобласці «Стан і развіццё сучасных рэгіянальных СМІ ва ўмовах трансфармацыі медыясферы», арганізаваная галоўным упраўленнем ідэалагічнай работы і па справах моладзі Віцебскага аблвыканкама, Лепельскім райвыканкамам і ўстановай «Рэдакцыя газеты «Лепельскі край».

У Лепелі адбылася выязная нарада галоўных рэдактараў сродкаў масавай інфармацыі Віцебскай вобласці «Стан і развіццё сучасных рэгіянальных СМІ ва ўмовах трансфармацыі медыясферы», арганізаваная галоўным упраўленнем ідэалагічнай работы і па справах моладзі Віцебскага аблвыканкама, Лепельскім райвыканкамам і ўстановай «Рэдакцыя газеты «Лепельскі край».
Удзельнікаў мерапрыемства прывітаў старшыня райвыканкама Міхаіл Кісялевіч, які таксама расказаў пра наш лепельскі край, яго славутасці і дасягненні.

На працягу некалькіх гадзін былі абмеркаваны праблемы раённых выданняў і пастаўлены задачы для далейшай плённай працы рэгіянальных СМІ.
Апроч рабочай часткі госці наведалі Цэнтр сацыяльна-працоўнай, сацыяльна-бытавой і фізічнай рэабілітацыі інвалідаў і высадзілі дрэвы «Алеі адзінства» каля Храма Нараджэння Хрыстовага.

Акрамя надзённых пытанняў у кіраўнікоў друкаваных выданняў была магчымасць пагутарыць у нефармальнай абстаноўцы, абмяняцца карыснай інфармацыяй.

У рабоце выязной нарады прыняла ўдзел творчая група ЗАТ «Сталічнае тэлебачанне»: Кірыл Казакоў, Рыгор Азаронак, Юлія Арцюх, Алёна Радоўская.

Госці са сталіцы звярнулі асаблівую ўвагу на аўтарскую журналістыку. У сучасным свеце мы атрымліваем інфармацыю з розных крыніц, таму толькі асабістае меркаванне журналіста становіцца запатрабаваным медыяпрадуктам.

Таксама прафесійныя журналісты з Мінска прапанавалі рэгіянальным аўтарам глыбока асэнсоўваць падзеі, што адбываюцца, і выкарыстоўваць у рабоце сучасныя месенджары.

Як адзначылі прадстаўнікі ЗАТ «Сталічнае тэлебачанне», кожную навіну яны драбняць і закідаюць ва ўсе сацыяльныя сеткі і месенджары. Так, напрыклад, у нядзелю ў іх выходзіць перадача «Нядзеля», якая рыхтуецца загадзя інтэрнэт-службай. Інтэрв'ю раскладаецца на часткі і прасоўваецца праз усе магчымыя сеткі. Не варта даваць доўгія інтэрв'ю ці рэпартажы, яны не карыстаюцца папулярнасцю.

У кожнага з творчай групы ёсць свае каналы. Так, напрыклад, у Рыгора

Азаронка — «Азаронак. СТБ», дзе ён таксама прасоўвае іншых аўтараў «Сталічнага тэлебачання». А ўлічваючы тое, што Рыгор стаў вельмі вядомай асобай за гэты год і ў яго больш за 5 тысяч падпісчыкаў на Telegram-канале, туды закідаюцца матэрыялы, якія хацелася б данесці да шматлікай публікі.

— Чытаючы розныя каналы, вы павінны разумець, што на той баку не хлопчык Сцяпа ці Антон. Там сядзяць спецыялісты са спецслужбаў розных напрамкаў. Мы, журналісты, закліканы супрацьстаяць вельмі сур'ёзным людзям. Іх задача — знішчыць краіну і разрабаваць. Наша задача — не даць гэтага зрабіць, — адзначыў Рыгор Азаронак.

— Мы павінны рэагаваць на кожную крытычную заўвагу. Напрыклад, нехта ў сетках паказаў фота з дрэннай дарогай ці тратуарам, неўладкаванай дзіцячай пляцоўкай, мы павінны паказаць, што зроблена добрага і ў разы больш, — дадала Алёна Радоўская.

Юлія Арцюх:
— Я лічу, што ў рэгіёны важна везці аўтарскую журналістыку, каб было кампетэнтнае меркаванне аўтара, каб ён быў чытаны, каб прыслухоўваліся да яго. Гэта неабходны, на мой погляд, ва ўсёй гэтай інфармацыйнай вайне кампанент.

Алёна Радоўская:
— Мне было вельмі цікава паслухаць гісторыі, што рабілі, як працуюць цяпер, пра што думаюць, таму што мне гэта вельмі моцна адгукаецца. Вядома, хацелася дапамагчы ў нейкіх пытаннях, як мы гэта рабілі, распавёўшы асабістыя гісторыі.

Падрабязней