На гэты раз у Оршы на фестываль навыкаў сабраліся прадстаўнікі з Расонаў, Сянна, Бароўкі і Горак. Барацьба ішла да апошняга ўдару. У выніку ў спартыўных баталіях Ксенія Пшенко заваявала ганаровае 1 месца, Ягор Чаркасаў – трэцяе.

Прыемныя ўражанні ад сустрэчы з равеснікамі назаўжды застануцца ў памяці ўдзельнікаў.

Дарэчы, бароўскія школьнікі ўжо другі год удзельнічаюць у праекце і займаюцца пад кіраўніцтвам трэнера Генадзя Тухто. За гэты перыяд пабывалі ў многіх гарадах Беларусі і атрымалі добрыя навыкі. Магчыма, у будучыні хтосьці з нашых землякоў звяжа сваё жыццё з прафесійным футболам.