Паслугамі Беларускай чыгункі пры праездзе на "Славянскі базар у Віцебску" сёлета скарысталіся на 30% больш пасажыраў, чым у 2018 годзе, паведамілі БЕЛТА ў прэс-цэнтры БЧ.
Беларуская чыгунка ўжо дзявяты год запар арганізуе дадатковы цягнік у зносінах Мінск-Віцебск на час правядзення "Славянскага базару". Сёлета цягнік курсіраваў штодзённа з Мінска з 8 па 19 ліпеня, а з Віцебска - з 9 па 20 ліпеня. "За час правядзення ХХVIII Міжнароднага фестывалю мастацтваў "Славянскі базар у Віцебску" яго паслугамі скарысталіся 4 тыс. 762 пасажыры. У параўнанні з папярэднім годам аб'ём перавезеных пасажыраў павялічыўся больш чым на тысячу чалавек, або на 30,4%", - распавялі ў прэс-цэнтры.
"Цягнік быў запатрабаваны, у тым ліку з улікам узгодненасці яго раскладу з праграмай правядзення "Славянскага базару". Госці маглі да пачатку вячэрніх канцэртаў азнаёміцца з славутасцямі горада на Заходняй Дзвіне, акунуцца ў атмасферу свята і з камфортам вярнуцца назад у сталіцу".