Ад усёй душы віншуем вас з надыходзячым Новым годам!
Новы год - гэта не проста змена дат у календары. Гэта час, калі прынята падводзіць вынікі і будаваць планы на будучыню.Шмат што зроблена ва ўжо мінулым годзе. Было працягнута добраўпарадкаванне грамадскіх тэрыторый, вялося будаўніцтва спартыўных аб'ектаў, усталёўваліся дзіцячыя пляцоўкі.
Зразумела, кожны з нас ацэньвае мінулы год па-рознаму. Для кагосьці ён быў адным з лепшых у жыцці, а хтосьці развітваецца з ім без шкадавання і чакае бою курантаў, верыць у тое, што будучы год будзе больш паспяховым. Але, праводзячы 2025 год, дазвольце ад усяго сэрца падзякаваць усім, хто слаўна папрацаваў на карысць роднага раёна ва ўжо мінулым годзе, хто гатовы і надалей уносіць свой уклад у яго развіццё.
З самымі цёплымі пачуццямі жадаем усім жыхарам раёна моцнага здароўя, радасных, актыўных, напоўненых зносінамі з роднымі і блізкімі навагодніх святаў.
Няхай наступны год прынясе ў кожную сям'ю мір, згоду, дабрабыт, радасць і гармонію.
З Новым 2026 годам!
З павагай,
старшыня Лепельскага раённага выканаўчага камітэта М.Л.Кісялевіч
старшыня Лепельскага раённага Савета дэпутатаў І.Г.Урбан