Заказчыкам правядзення грамадскага абмеркавання справаздачы аб ацэнцы ўздзеяння на навакольнае асяроддзе па аб'екце «Аўтамабільная дарога Р-46 Лепель-Полацк-граніца Расійскай Федэрацыі (Юхавічы) км 0,000-61,500» (далей па тэксце – Аб'ект) з'яўляецца Рэспубліканскае ўнітарнае прадпрыемства аўтамабільных дарог «Віцебскаўтадар» (210026, горад Віцебск, вуліца Суворава, 16, e-mail: vitavtodor@/vitebsk.by, тэл/факс +375 (212)35-85-48).
Мэта распрацоўкі праекта – давядзенне параметраў названага ўчастка аўтамабільнай дарогі да нарматываў II катэгорыі і павышэнне нясучай здольнасці дарогі да еўрапейскага нарматыву 11,5 тон на адну вось.
Падстава для распрацоўкі праекта – рэалізацыя мэт і задач Дзяржаўнай праграмы па развіцці і ўтрыманні аўтамабільных дарог у Рэспубліцы Беларусь на 2017-2020 гады, зацверджанай Пастановай Савета Міністраў Рэспублікі Беларусь ад 19 верасня 2017 г. № 699, накіраваных на паляпшэнне транспартна-эксплуатацыйнага стану рэспубліканскіх аўтамабільных дарог; павышэнне якасных паказчыкаў рэспубліканскіх аўтамабільных дарог.
Праектам прадугледжана: рэканструкцыя аўтамабільнай дарогі Р-46 Лепель-Полацк-граніца Расійскай Федэрацыі (Юхавічы) км 0,000-61,500 і давядзенне транспартна-эксплуатацыйных паказчыкаў аўтадарогі да нарматыўных патрабаванняў для аўтамабільных дарог II катэгорыі, пераўладкаванне і капітальны рамонт маставых збудаванняў.
Рэканструкцыя аўтамабільнай дарогі дазволіць палепшыць яе транспартныя і эксплуатацыйныя параметры, што ў сваю чаргу акажа прамое ўздзеянне на аспекты сацыяльна-эканамічнага развіцця, такія як, прадукцыйнасць дарожнага сектара, эфектыўнасць прадпрымальніцтва і жыццёвы ўзровень насельніцтва.
З паляпшэннем транспартна - эксплуатацыйных паказчыкаў аўтадарогі павялічыцца аб'ём грузаперавозак, атрымае развіццё прыдарожны сэрвіс, што прывядзе да росту сацыяльна-эканамічных паказчыкаў рэгіёна. Паляпшэнне транспартных умоў прывядзе да зніжэння забруджвання паветра, глебы і расліннасці, паляпшаючы такім чынам экалагічную сітуацыю ў рэгіёне.
Магчымыя ўздзеянні праектаванай аўтадарогі на навакольнае асяроддзе звязаны з правядзеннем будаўнічых работ (эксплуатацыя дарожна-будаўнічай тэхнікі і транспартных сродкаў пры правядзенні земляных работ і уладкаванні дарожнага адзення, пры перавозцы грунту, будаўнічых матэрыялаў, гаруча-змазачных рэчываў, работнікаў, якія выконваюць будаўніча-мантажныя работы; механічная апрацоўка будаўнічых матэрыялаў, дробны рамонт, афарбовачныя работы) і з эксплуатацыйнымі ўздзеяннямі (функцыянаваннем аб'екта як інжынернага збудавання, дзеяннем перасоўных крыніц
уздзеянні (аўтамабільнага транспарту).
Уздзеянні, звязаныя з будаўнічымі працамі, носяць, як правіла, часовы характар. Эксплуатацыйныя ўздзеянні будуць праяўляцца на працягу перыяду эксплуатацыі праектуемага аб'екта.
Праектуемы ўчастак аўтамабільнай дарогі Р-46 Лепель-Полацк-мяжа Расійскай Федэрацыі (Юхавічы) км 0,000-61,500 размешчаны ў Лепельскім, Ушацкім, Полацкім раёнах Віцебскай вобласці. Пачатак праектуемага ўчастка км 0,000 размешчаны на прымыканні ад а.д. М-3 Мінск-Віцебск у раёне г. Лепеля, канец – на 61,500 існуючага кіламетра аўтамабільнай дарогі Р-46.
Тэрмін рэалізацыі планаванай дзейнасці па аб'екце 2021 год.
Тэрмін правядзення грамадскага абмеркавання па праекце з 20 лютага 2018 г. па 22 сакавіка 2018 г. (уключна). Прапановы і заўвагі грамадскасці прымаюцца на працягу ўсяго тэрміну правядзення грамадскага абмеркавання.
Са справаздачай аб ацэнцы ўздзеяння на навакольнае асяроддзе па Аб'екце можна азнаёміцца на сайце Лепельскага раённага выканаўчага камітэта
lepel.vitebsk-region.gov.by у раздзеле «Грамадскія абмеркаванні», у аддзеле архітэктуры і будаўніцтва Лепельскага райвыканкама (горад Лепель, вуліца Ленінская, дом 6, каб 107), кантактная асоба – начальнік аддзела архітэктуры і будаўніцтва Лепельскага райвыканкама Кляшторная Наталля Леанідаўна, тэлефон 8 02132 6 70 05,
ot.lepel2016@yandex.ru).
Заўвагі ў пісьмовым выглядзе можна накіраваць па паштовым адрасе - 211174 горад Лепель, вуліца Ленінская, 6. Кантактная асоба: Кляшторная Наталля Леанідаўна, начальнік аддзела архітэктуры і будаўніцтва Лепельскага райвыканкама тэлефон 6-70-05, e-mail:.
ot.lepel2016@yandex.ru.
Заява аб неабходнасці правядзення сходу па абмеркаванні справаздачы аб ацэнцы ўздзеяння на навакольнае асяроддзе і заява аб намерах правядзення экалагічнай экспертызы накіроўваецца ў пісьмовым выглядзе на працягу 10 рабочых дзён з даты пачатку грамадскіх абмеркаванняў на паштовы адрас: горад Лепель, вуліца Ленінская, дом 6 (з паметкай для аддзела архітэктуры і будаўніцтва), па факсе 8 0212 4-13-47, альбо па электроннай пошце
ot.lepel2016@yandex.ru.
Адказным за прыняцце рашэння ў адносінах гаспадарчай і іншай дзейнасці з'яўляецца Лепельскі раённы выканаўчы камітэт (г.Лепель, вуліца Ленінская, дом 6 тэл. 8 02132 6-70-05, факс 8 0212 4-13-47,
lepel.vitebsk-region.gov.by Паведамленне аб правядзенні грамадскага абмеркавання справаздачы «Аўтамабільная дарога Р-46 Лепель-Полацк-мяжа Расійскай Федэрацыі (Юхавічы) км 0,000-61,500» будзе апублікавана ў газеце «Лепельскі край» 20 лютага 2018 г. і на сайце Лепельскага райвыканкама
lepel.vitebsk-region.gov.by