Сярод навабранцаў і лепельчане
Яны прайшлі двухтыднёвую падрыхтоўку. А з панядзелка ў навабранцаў пачнецца сапраўдная школа мужнасці.Прысяга – падзея важная і хвалюючая не толькі для вайскоўцаў. За ўрачыстым рытуалам назіралі родныя і блізкія навабранцаў.
Урачыстую цырымонію па прыняцці вайсковай прысягі прынялі і вайскоўцы новага папаўнення механізаванай брыгады Заслонаўскага гарнізона.
Сотні маладых беларускіх хлопцаў, стоячы пад сцягамі, далі клятву абараняць незалежнасць, тэрытарыяльную цэласнасць і канстытуцыйны лад Рэспублікі Беларусь.
У межах урачыстай цырымоніі вайскоўцы вымавілі клятву, у якой абавязаліся абараняць сваю Радзіму, яе незалежнасць і тэрытарыяльную цэласнасць. Гэты момант стаў кульмінацыяй мерапрыемства, калі кожны з навабранцаў усвядоміў усю адказнасць, якую яны бяруць на сябе, уступаючы на шлях служэння сваёй краіне.