На адрас начальніка Лепельскага РАУС паступіў падзячны ліст ад мясцовага жыхара

Мужчына піша словы прызнальнасці ўчастковаму інспектару міліцыі старшаму лейтэнанту міліцыі Дар'і Козлоўскай:

«Дзякуючы прафесіяналізму Дар'і Пятроўны, яе чалавечнасці, настойлівасці і сапраўднаму служэнню абавязку адбыліся кардынальныя змены ў маім жыцці. Яна ўбачыла ўва мне не проста «праблемнага» жыхара свайго ўчастка, а чалавека, які апынуўся ў велізарнай жыццёвай яме з-за алкагольнай залежнасці. Яна праявіла цярпенне і неабыякавасць. Яе гутаркі, своечасовая дапамога, парады, і што самае галоўнае, вера ў мае сілы, дапамаглі мне ўсвядоміць праблему і пачаць доўгі шлях да выздараўлення. Дар'я Пятроўна дапамагла мне «стаць на ногі», аднавіць адносіны ў сям'і і вярнуцца да паўнавартаснага сацыяльнага жыцця. Супрацоўніца выратавала мяне і ў поўнай меры вярнула грамадству. Для мяне Дар'я Пятроўна - узор таго, якім павінен быць сапраўдны ўчастковы, які спалучае патрабавальнасць, справядлівасць і міласэрнасць».

Участковыя інспектары міліцыі – людзі, якія заўсёды гатовыя прыйсці на дапамогу. Іх прафесійнае крэда – выручаць і абараняць.

Яны ніколі не кінуць у бядзе сваіх грамадзян, абавязкова дапамогуць усім. Бо з любой, нават самай складанай сітуацыі, несумненна, можна знайсці выйсце, галоўнае верыць у свае сілы і настойліва змагацца з праблемай.