У Беларусі будзе створана навігацыйная карта краіны высокай якасці

19 лютага, Мінск /Кацярына Марковіч - БЕЛТА/. У Беларусі будзе створана навігацыйная карта краіны высокай якасці. Пра гэта паведаміў журналістам старшыня Дзяржаўнага камітэта па маёмасці Беларусі Георгій Кузняцоў, перадае карэспандэнт БЕЛТА.

"Важнай для нас падзеяй у мінулым годзе стала набыццё лічбавай аэрафотакамеры, кошт якой больш за 1 млн еўра. З вясны пачнем рабіць аэрафотаздымку і будзем хутчэй абнаўляць тапаграфічныя карты і ствараць якасныя навігацыйныя карты", - адзначыў кіраўнік камітэта.

У цяперашні час, па словах Георгія Кузняцова, праблема заключаецца ў тым, што для навігацыйных карт няма новага матэрыялу. "З камерай будзе інакш, а калі яе аб'яднаюць з расійскай, бо іх хочуць выкарыстоўваць у пары, то значна хутчэй і якасней будуць паступаць матэрыялы", - растлумачыў ён.

Таксама Георгій Кузняцоў паведаміў, што Дзяржаўны камітэт па маёмасці стварыў лічбавы планавы матэрыял 10-тысячнага маштабу на ўсю тэрыторыю Беларусі.-0-