У Беларусі праз пяць гадоў самай запатрабаванай спецыяльнасцю будзе "інжынер-праграміст" - ПВТ

6 верасня, Мінск /Кар. БЕЛТА/. Па ацэнцы экспертаў Парка высокіх тэхналогій (ПВТ), у 2018 годзе самымі запатрабаванымі спецыяльнасцямі будуць "інжынер-праграміст" і "матэматыка". Пра гэта карэспандэнту БЕЛТА распавялі ў Парку высокіх тэхналогій падчас традыцыйнай акцыі "Дзень ведаў у ПВТ".

"Да 2018 года самымі запатрабаванымі спецыяльнасцямі ў Беларусі, ды і, напэўна, ва ўсім свеце, будуць "інжынер-праграміст" і "матэматыка". На іх у сукупнасці прыйдзецца 60% попыту, а таксама на спецыяльнасць "інжынер-сістэматэхнік" - 14%, "інжынер па ІТ" - 9%", - распавёў начальнік аддзела маркетынгу і развіцця адміністрацыі Парка высокіх тэхналогій Юрый Дзераванк.

Па дадзеных уступнай кампаніі бягучага года, тэхнічная адукацыя становіцца ўсё больш папулярнай. Сёлета сярэдні прахадны бал пры паступленні на IT-спецыяльнасці ў БДУІР (ФКСІС) перавысіў 356 балаў, БДУ (ФПМІ) - 350 балаў, БДУІР (ФІТіУ) - 319, што на 10-12% вышэй, чым у 2012 годзе.

Спецыялісты ПВТ распавялі школьнікам пра перавагі IT-кар'еры, творчай атмасферы, вялікай запатрабаванасці, высокім узроўні заработнай платы, патэнцыяле наступнага росту і павышэння кваліфікацыі, міжнародным характары дзейнасці.

"Мы стараліся не толькі распавесці пра перавагі IT-кар'еры, але і ўзброіць старшакласнікаў неабходнымі падыходамі для ацэнкі перспектыў, звязаных з выбарам той ці іншай прафесіі. Неабходна таксама зазірнуць у будучыню і зразумець, якія навыкі, веды і спецыялісты будуць запатрабаваны на рынку працы праз 5 ці 10 гадоў", - распавёў Юрый Дзераванк.

Сёлета акцыя атрымала небывалы размах: мерапрыемствы з удзелам прадстаўнікоў адміністрацыі Парка высокіх тэхналогій прайшлі ў Мінску, Брэсце, Гомелі, Віцебску, Бабруйску, Оршы, Полацку, Наваполацку, Гродне і Ваўкавыску. Іх наведалі больш за 3 500 беларускіх школьнікаў.-0-