У Беларусі змяняецца парадак вызначэння пражытачнага мінімуму

17 верасня, Мінск /Кар. БЕЛТА/. Сёння ўступае ў сілу закон "Аб унясенні змен і дапаўнення ў некаторыя законы Рэспублікі Беларусь па пытаннях вызначэння пражытачнага мінімуму", паведамілі БЕЛТА ў Міністэрстве працы і сацыяльнай абароны.

Дадзеным законам (прыняты 7 мая гэтага года) зменены падыход да вызначэння пражытачнага мінімуму, асноўныя сацыяльна-дэмаграфічныя групы насельніцтва дапоўнены новай групай - "студэнты".

У склад пражытачнага мінімуму ўваходзіць мінімальны набор прадуктаў харчавання, а таксама нехарчовыя тавары і паслугі. Мінімальны набор прадуктаў харчавання, як і раней, вызначаецца па навукова-абгрунтаваных нормах спажывання і распрацоўваецца Мінпрацы і сацабароны сумесна з Мінздароўя, а таксама навуковымі арганізацыямі. Нехарчовыя тавары і паслугі ўключаюцца ў пражытачны мінімум як фіксаваная доля ў працэнтах ад кошту мінімальнага набору прадуктаў харчавання.

Дарэчы, у сусветнай практыцы прымяняюцца розныя метады разліку велічынь спажывецкіх бюджэтаў. Адзін з іх - нарматыўны метад, які прымяняўся ў рэспубліцы да 17 верасня 2014 года. Апошнім часам у міжнароднай практыцы назіраецца тэндэнцыя да пераходу да іншых падыходаў фарміравання пражытачнага мінімуму - краіны сыходзяць ад нарматыўнага метаду разліку. Так, у Расіі ў канцы 2012 года ўнесены адпаведныя змены ў заканадаўства, якое рэгулюе пытанні ўсталявання пражытачнага мінімуму.

Пры вызначэнні пражытачнага мінімуму выкарыстоўваецца механізм разліку кошту нехарчовых тавараў і паслуг як доля ў працэнтах ад кошту мінімальнага набору прадуктаў харчавання (так званы метад даліку). Новы механізм вызначэння кошту нехарчовых тавараў і паслуг, якія ўваходзяць у пражытачны мінімум, у адрозненне ад нарматыўнага метаду разліку пражытачнага мінімуму дазваляе выключыць залішнюю дэталізацыю норм спажывання нехарчовых тавараў і паслуг, а таксама больш гнутка і аператыўна ў далейшым рэагаваць на змяненне найбольш значных тэндэнцый у спажывецкім настроі насельніцтва.

У мэтах выканання норм закона пастановай Савета Міністраў ад 4 верасня 2014 г. № 865 зацверджаны пражытачны мінімум для асноўных сацыяльна-дэмаграфічных груп насельніцтва, гэта значыць вызначаны мінімальныя наборы прадуктаў харчавання для асноўных сацыяльна-дэмаграфічных груп насельніцтва (для працаздольнага насельніцтва (мужчын і жанчын), пенсіянераў, студэнтаў, дзяцей ва ўзросце да 3 гадоў, ад 3 да 6 гадоў, ад 6 да 18 гадоў), а таксама фіксаваная доля ў памеры 77% для разліку кошту нехарчовых тавараў і паслуг ад кошту мінімальнага набору прадуктаў харчавання.

Па словах спецыялістаў, конасная велічыня пражытачнага мінімуму – гэта бюджэт пражытачнага мінімуму (БПМ), які ўключае абавязковыя унёскі плацяжы. Пастановай урада зацверджана Палажэнне аб парадку разліку бюджэту пражытачнага мінімуму па асноўных сацыяльна-дэмаграфічных групах і ў сярэднім на душу насельніцтва. Такім чынам, вызначаны дакладны алгарытм разліку бюджэтаў.

Бюджэты пражытачнага мінімуму разлічваюцца, як і раней, для 6 асноўных сацыяльна-дэмаграфічных груп насельніцтва – працаздольнае насельніцтва; пенсіянеры; студэнты (раней – дзеці-студэнты); дзеці ва ўзросце да 3 гадоў; ад 3 да 6 гадоў; ад 6 да 18 гадоў. У якасці бюджэту пражытачнага мінімуму ў сярэднім на душу насельніцтва прымаецца сярэднедушавы бюджэт пражытачнага мінімуму сям'і з чатырох чалавек.

Паўнамоцтвы на штоквартальнае зацвярджэнне бюджэту пражытачнага мінімуму ў цэнах апошняга месяца квартала перададзены ад урада Міністэрству працы і сацыяльнай абароны.

Варта адзначыць, што 4 верасня 2014 г. прыняты ўказ № 435 "Аб бюджэце пражытачнага мінімуму і ўнясенні змен у указы Прэзідэнта Рэспублікі Беларусь", якім урэгуляваны пытанні прымянення БПМ. Указам вызначаецца парадак прымянення бюджэтаў пражытачнага мінімуму, зацверджаных Саветам Міністраў Рэспублікі Беларусь, за мінулыя перыяды, а таксама прадугледжваецца пераходнае палажэнне, якое ўстанаўлівае часавы перыяд, на працягу якога можа выкарыстоўвацца бюджэт пражытачнага мінімуму, зацверджаны Саветам Міністраў і Міністэрствам працы і сацыяльнай абароны.-0-

Навіны Беларусі (БЕЛТА)