Тарыф на набыццё чыгуначных білетаў праз інтэрнэт прапануецца адмяніць у Беларусі. Праект пастановы Савета Міністраў, які прадугледжвае дадзенае змяненне, вынесены на грамадскае абмеркаванне і размешчаны на сайце Міністэрства антыманапольнага рэгулявання і гандлю, паведамляе БЕЛТА.
Тарыф на набыццё чыгуначных білетаў праз інтэрнэт прапануецца адмяніць у Беларусі. Праект пастановы Савета Міністраў, які прадугледжвае дадзенае змяненне, вынесены на грамадскае абмеркаванне і размешчаны на сайце Міністэрства антыманапольнага рэгулявання і гандлю, паведамляе БЕЛТА.
Згодна з праектам дакумента, з пераліку паслуг транспартных чыгуначных тэрміналаў, тарыфы на якія рэгулююцца Міністэрствам антыманапольнага рэгулявання і гандлю, прапануецца выключыць паслугі па замове і афармленні білетаў праз інтэрнэт па банкаўскіх плацежных картках.
У Беларускай чыгунцы патлумачылі: "На дадзены момант тарыф за афармленне праязных дакументаў на праезд у цягніках рэгіянальных ліній бізнес-класа і міжрэгіянальных ліній складае Br0,11, за заказ і афармленне праязнога дакумента праз інтэрнэт на праезд у гэтых жа цягніках - Br0,24. Пры адмене тарыфу агульны кошт праезду пры набыцці білета праз інтэрнэт будзе меншы, чым пры афармленні ў касе". Такім чынам, новаўвядзенне будзе стымуляваць электронныя продажы чыгуначных білетаў.
Палажэнні праекта пастановы, адзначаюць у Міністэрстве антыманапольнага рэгулявання і гандлю, не акажуць негатыўнага ўплыву на рост цэн і інфляцыйныя чаканні. У той жа час прапанаваныя змяненні дазволяць забяспечыць больш эфектыўнае рэгуляванне адносін паміж тэрміналамі і аўтамабільнымі перавозчыкамі шляхам устанаўлення роўных падыходаў да цэнаўтварэння на паслугі, што аказваюцца.