Прэзідэнт Беларусі Аляксандр Лукашэнка 30 снежня падпісаў указ №492, якім комплексна карэктуецца пералік адміністрацыйных працэдур, што ажыццяўляюцца дзяржаўнымі органамі і іншымі арганізацыямі па заявах грамадзян. Пра гэта БЕЛТА паведамілі ў прэс-службе беларускага лідара.
Так, адмяняецца неабходнасць афармлення талона да пасведчання кіроўцы і сертыфіката аб праходжанні дзяржаўнага тэхагляду транспартных сродкаў, рэгламентуецца працэдура выдачы міжнароднага пасведчання кіроўцы.
Скарачаюцца тэрміны выканання працэдур, звязаных з пастаноўкай на ўлік грамадзян, якія маюць патрэбу ў паляпшэнні жыллёвых умоў, а таксама вызначаецца бестэрміновы тэрмін дзеяння рашэння аб прызнанні жылога памяшкання неадпаведным устаноўленым санітарным і тэхнічным патрабаванням (цяпер ён складае шэсць месяцаў).
Указ спрашчае парадак пастаноўкі грамадзян на консульскі ўлік, прадугледжваецца адмова ад спагнання платы за рэгістрацыю часова знаходзячыхся ў Беларусі замежнікаў у выпадку звароту за такой рэгістрацыяй праз адзіны партал электронных паслуг.
Замацоўваецца правамернасць прадастаўлення копіі пашпарта замест арыгінала пры звароце ў падатковыя органы за ажыццяўленнем шэрагу адміністрацыйных працэдур. Гэта дазволіць грамадзянам падаваць заявы ў электронным і пісьмовым выглядзе без асабістага наведвання падатковых органаў.
З мэтай захавання таямніцы ўсынаўлення замест копіі рашэння суда аб усынаўленні можна будзе прадаставіць выпіску з такога дакумента.
Акрамя таго, уводзяцца новыя адміністрацыйныя працэдуры, неабходныя для рэалізацыі грамадзянамі сваіх правоў, выключаюцца працэдуры, якія страцілі сваю актуальнасць, напрыклад, па выдачы рашэнняў аб прыватызацыі жылых памяшканняў.-0-