У Беларусі на аднаго настаўніка прыпадае ў сярэднім 9 вучняў. Такія даныя прыводзяцца ў аглядзе Белстата да Дня ведаў, паведамляе БЕЛТА.
У Беларусі на аднаго настаўніка прыпадае ў сярэднім 9 вучняў. Такія даныя прыводзяцца ў аглядзе Белстата да Дня ведаў, паведамляе БЕЛТА.
На пачатак 2017/2018 навучальнага года ў краіне было 3812 устаноў дашкольнай адукацыі, іх наведвалі 426 тыс. чалавек, што на 8 тыс. больш, чым на пачатак папярэдняга навучальнага года. Колькасць педработнікаў у гэтых установах складала 57 тыс. чалавек.
Устаноў агульнай сярэдняй адукацыі на пачатак 2017/2018 навучальнага года налічвалася 3067. Колькасць навучэнцаў у параўнанні з пачаткам 2016/2017 навучальнага года павялічылася на 12 тыс. да 995 тыс. колькасць настаўнікаў (уключаючы сумяшчальнікаў) у дзённых установах агульнай сярэдняй адукацыі ў 2017/2018 навучальным годзе склала 115 тыс. На аднаго настаўніка прыпадала ў сярэднім 9 вучняў, у гарадскіх школах - 10, у сельскіх - 5 вучняў.
На пачатак 2017/2018 навучальнага года функцыянавалі 182 установы прафесійна-тэхнічнай адукацыі з колькасцю навучэнцаў 67 тыс. У 2017 годзе гэтыя ўстановы выпусцілі 31 тыс. кваліфікаваных рабочых і служачых. Па дзве і больш кваліфікацыі атрымалі 80% выпускнікоў дзённай формы навучання, з павышаным узроўнем кваліфікацыі - 57% выпускнікоў.
Атрыманне сярэдняй спецыяльнай адукацыі на пачатак 2017/2018 навучальнага года забяспечвалі 226 навучальных устаноў з колькасцю навучэнцаў 114 тыс. За кошт бюджэтных сродкаў сярэднюю спецыяльную адукацыю атрымліваюць 63% усіх навучэнцаў. Выпуск спецыялістаў з сярэдняй спецыяльнай адукацыяй у 2017 годзе склаў 36 тыс. чалавек.
У 51 вышэйшай навучальнай установе на пачатак 2017/2018 навучальнага года навучалася 284 тыс. студэнтаў, з іх 15 тыс. - замежнікі (5% ад усіх студэнтаў). У разліку на 10 тыс. чалавек насельніцтва краіны прыпадала 300 студэнтаў ВНУ. За кошт бюджэту навучалася 43% усіх студэнтаў. У 2017 годзе студэнтамі сталі 62 тыс. чалавек, з іх 13% пражывалі ў сельскіх населеных пунктах. Спецыялістамі з вышэйшай адукацыяй у 2017 годзе стала 81 тыс. выпускнікоў.