5 лістапада, Мінск /Алена Прус - БЕЛТА/. У Беларусі пачалася датэрміновая выплата пенсій за 7 лістапада, паведамілі карэспандэнту БЕЛТА ў РУП "Белпошта". Па словах спецыялістаў, у сувязі са святкаваннем Дня Кастрычніцкай рэвалюцыі графік выплаты пенсій (дапамог) за сераду 7 лістапада скарэкціраваны. У гэты дзень будуць функцыянаваць толькі дзяжурныя аддзяленні паштовай сувязі. Датэрміновая выплата пенсій (дапамог) за 7 лістапада ў Мінску пачалася ўжо з 3 лістапада. У сельскіх аддзяленнях паштовай сувязі Брэсцкай вобласці выплата пенсій (дапамог) стартавала таксама з 3 лістапада, у гарадскіх аддзяленнях паштовай сувязі - з 5 лістапада. У аддзяленнях паштовай сувязі Магілёва і Бабруйска (Магілёўская вобласць) выплата пенсій (дапамог) пачата з 3 лістапада, у астатніх аддзяленнях паштовай сувязі - з 6 лістапада. Ва ўсіх аддзяленнях паштовай сувязі Віцебскай, Гомельскай, Гродзенскай і Мінскай абласцей выплата пачнецца з 6 лістапада. Фінансаванне для выплаты пенсій праведзена своечасова і ў неабходным аб'ёме.-0-

БЕЛТА