13 снежня, Мінск /Кар. БЕЛТА/. Пераможцы рэспубліканскага конкурсу "Нацыянальная музычная прэмія" у галіне эстраднага мастацтва абвешчаны 12 снежня на гала-канцэрце ў Палацы спорту, паведамляе карэспандэнт БЕЛТА. Уладальнікамі Нацыянальнай музычнай прэміі сталі: у намінацыі "Лепшая песня года" - Ларыса Грыбалёва ("Не крыўдуй на мяне"), "Лепшы поп-выканаўца (калектыў)" - Саша Нямо, "Лепшы рок-выканаўца (калектыў)" - гурт Open Space, "Лепшы джаз-выканаўца (калектыў)" - гурт Apple Tea Jazz Band, "Лепшы этна-фолк-выканаўца (калектыў)" - гурт "Стары Ольса", "Адкрыццё года" - гурт IOWA, "Лепшы аўтар музыкі" - Герман ("У цішыні світання"), "Лепшы аўтар слоў" - Яраслаў Ракіцін ("Чуеш, я іду да цябе"), "Лепшы аранжыроўшчык" - Юрый Вашчук, "Лепшая беларускамоўная песня года" - Анатоль Ярмоленка ("Прыязджайце да нас у Беларусь"), "Лепшы музычны альбом" - гурт "Цяні-Толкай" ("Мне з табой пашанцавала"), "Лепшая песня (музычны альбом) для кіно, тэлебачання" - гурт "Драм Экстазі" (музыка для фільма "Селітра №7"), "Лепшы канцэрт года" - гурт "Без білета" (канцэрт "Зорка"), "Лепшы гастрольны тур" - Аляксандр Саладуха ("Берагі"), "Лепшы кліп года" - гурт "Лермант" ("Прыгажосць"), "Лепшы журналіст (музычны крытык)" - Сяргей Андрыянаў, "Лепшы прадзюсар" - Уладзімір Кубышкін, "За ўклад у развіццё сучаснай музыкі" - Якаў Навуменка, "Зорачка года (лепшы юны выканаўца)" - Аляксандра Локціёнава. Былі ўручаны таксама спецыяльныя прызы журы: "Дэбют года" - пераможцу праекта "Спяваючыя гарады" Юліі Жыдкай, "Юбілей года" - народнаму артысту Беларусі Аляксандру Ціхановічу, які адзначыў 60-годдзе, "Крэатыў года" - Аляксандру Саладусе і ўдзельнікам праекта "Спяваючыя гарады" з Мінска, "Надзея года" - заслужанай артыстцы Беларусі Алене Ланской, "Дублёры года" - удзельнікам праекта "Спяваючыя гарады" з Рагачова. Пераможцы вызначаны па выніках працы за 2012 год. Асноўныя крытэрыі ацэнкі творчых праектаў - іх мастацкая каштоўнасць і грамадская значнасць. Усяго на ўдзел у конкурсе было пададзена каля 1 тыс. заявак. Лаўрэатам прэміі былі ўручаны спецыяльныя прызы, дыпломы і грашовыя прэміі. Статуэтка Нацыянальнай музычнай прэміі, дызайн якой распрацаваны скульптарам Андрэем Хацяноўскім, арганічна спалучае ў сабе музычную сімволіку, зорку як сімвал эстрады і беларускія арнаменты.