29 сакавіка, Мінск /Алена Прус - БЕЛТА/. У Беларусі плануецца ўключыць у сістэму дзяржаўнай адраснай сацыяльнай дапамогі (ДАСД) дапамогу на дзяцей старэйшыя за тры гады і бясплатнае забеспячэнне прадуктамі харчавання дзяцей першых двух гадоў жыцця. Пра гэта паведаміла намеснік міністра працы і сацыяльнай абароны Валянціна Каралёва сёння на online канферэнцыі, якая прайшла на сайтах БЕЛТА і міністэрства. Валянціна Каралёва адзначыла, што такія меры прадугледжаны Праграмай дзейнасці Урада Рэспублікі Беларусь на 2011-2015 гады. Пры гэтым плануецца, што бясплатнае забеспячэнне прадуктамі харчавання дзяцей першых двух гадоў жыцця будзе выдзелена ў асобную сацыяльную дапамогу. Намеснік міністра нагадала, што з 1 студзеня 2010 года ў адпаведнасці з указам №458 "Аб дзяржаўнай адраснай сацыяльнай дапамозе" безнаяўныя жыллёвыя субсідыі насельніцтву не прадастаўляюцца. Пры гэтым адной з мэт прызначэння ДАСД у выглядзе штомесячнай і аднаразовай сацыяльных дапамог стала аплата (цалкам або часткова) жыллёва-камунальных паслуг. Па выніках мінулага года дзяржаўная адрасная сацыяльная дапамога прызначана 165,4 тыс. чалавек на суму Br50,8 млрд., з якіх Br586 млн. накіравана на аплату жыллёва-камунальных паслуг. Што тычыцца змены крытэрыяў патрэбнасці пры прадастаўленні дзяржаўнай адраснай сацыяльнай дапамогі ў выглядзе штомесячнай і аднаразовай сацыяльных дапамог, то такое пытанне ў цяперашні час не разглядаецца.-0-

БЕЛТА