У Беларусі плануюць забараніць продаж спіртнога асобам, што не дасягнулі 21 года

15 мая, Мінск /Кар. БЕЛТА/. У Беларусі плануюць забараніць продаж алкаголю асобам, маладзейшым за 21 год. Пра гэта сёння журналістам паведаміў начальнік упраўлення прафілактыкі Міністэрства ўнутраных спраў Алег Каразей, перадае кар. БЕЛТА.

"Міністэрства ўнутраных спраў ініцыявала змены ў закон аб абароце спіртазмяшчальнай вадкасці ў частцы абмежавання часу продажу алкаголю з 22.00 да 9.00, а таксама ўзросту, з якога можна набываць алкаголь, - з 21 года", - сказаў Алег Каразей.

У Беларусі кожны дзясяты злачынства здзяйсняецца маладымі людзьмі да 21 года. "Фактычна ўсе маладыя людзі здзяйсняюць злачынствы ў стане алкагольнага ап'янення. Для іх алкаголь з'яўляецца своеасаблівым каталізатарам", - падкрэсліў начальнік упраўлення.

Паводле яго слоў, законапраект прайшоў узгадненне з усімі зацікаўленымі ў Савеце Міністраў, у цяперашні час яго павінны прадставіць у Палаце Прадстаўнікоў. Мяркуецца, што гэтая норма можа ўступіць у сілу з 2015 года.-0-