У Беларусі пражывае 1,852 млн дзяцей

У Беларусі на 1 студзеня 2017 года пражывала 1,852 млн дзяцей ва ўзросце да 18 гадоў. У параўнанні з пачаткам 2010 года колькасць дзяцей павялічылася на 95 тыс. чалавек (на 5,4%), паведамілі карэспандэнту БЕЛТА ў Нацыянальным статыстычным камітэце.

У краіне налічваецца 813 тыс. дзяцей ва ўзросце да 6 гадоў (43,9%), 766 тыс. - ва ўзросце 7-14 гадоў (41,4%), 273 тыс. - ва ўзросце 15-17 гадоў (14,7%).

У мінулым годзе ў Беларусі нарадзілася 117,8 тыс. дзяцей, што на 9,7 тыс. нованароджаных больш у параўнанні з 2010 годам. Узровень нараджальнасці павялічыўся з 11,4 на 1000 чалавек насельніцтва ў 2010 годзе да 12,4 у 2016 годзе. Штогод хлопчыкаў нараджаецца больш, чым дзяўчынак. Так, у 2016 годзе на свет з'явілася 60,6 тыс. хлопчыкаў і 57,1 тыс. дзяўчынак.

Значная ўвага з боку дзяржавы і грамадства ў цэлым надаецца пытанням абароны дзяцей, якія засталіся без бацькоўскай апекі. На пачатак бягучага года з 20,2 тыс. дзяцей-сірот у сем'ях выхоўвалася 16,3 тыс. (81%), у дзіцячых інтэрнатных установах - 3,9 тыс. дзяцей-сірот (19%).

У рэспубліцы ў 2016 годзе працавала 3879 устаноў дашкольнай адукацыі, з іх 2076 - у гарадах і гарадскіх пасёлкам, 1803 - у сельскай мясцовасці. Установы дашкольнай адукацыі наведвала 418,1 тыс. дзяцей. За апошнія пяць гадоў іх колькасць павялічылася на 30,7 тыс. дзяцей, або на 7,9%.

На пачатак 2016/2017 навучальнага года ў рэспубліцы функцыянавала 3155 дзённых агульнаадукацыйных устаноў, дзе навучалася 981,6 тыс. чалавек. З іх праграмы павышанага ўзроўню праходзілі 145,3 тыс. навучэнцаў 210 гімназій і 7,8 тыс. дзяцей, якія навучаліся ў 29 ліцэях.

Дзейнічае сістэма дадатковай адукацыі: працуюць студыі дзіцячай творчасці, спартыўныя клубы, мастацкія школы і іншыя ўстановы. У 2016 годзе функцыянавала 3,2 тыс. тэхнічных і спартыўна-тэхнічных аб'яднанняў, 2,4 тыс. экалага-біялагічных, 2,9 тыс. турысцка-краязнаўчых, 4,1 тыс. фізкультурна-спартыўных, 14 тыс. мастацкіх і 4,8 тыс. іншых аб'яднанняў. Агульная колькасць навучэнцаў у аб'яднаннях па інтарэсах складала 389 тыс. чалавек.

Дзяржавай надаецца вялікая ўвага ўзмацненню матэрыяльнай падтрымкі сем'яў у сувязі з нараджэннем і выхаваннем дзяцей. Памер дапамог пры нараджэнні дзяцей у параўнанні з маем 2016 года павялічыўся на 8,2%.

У мэтах зніжэння захворвання дзяцей у рэспубліцы праводзіцца вакцынацыя. У 2016 годзе прышчэпкі супраць адзёру, эпідэмічнага паратыту і краснухі (КПК), а таксама коклюшу, дзіфтэрыі і слупняку (АКДС) зроблены 97,9% дзяцей, супраць туберкулёзу - 98,4%.

У рэспубліцы штогод функцыянуе больш за 6 тыс. выхаваўча-аздараўленчых устаноў адукацыі, у тым ліку 4,5 тыс. з дзённым і 1,5 тыс. з кругласутачным знаходжаннем дзяцей. У 2016 годзе ў аздараўленчых лагерах адпачыла больш за 360,3 тыс. хлопчыкаў і дзяўчынак.

Міжнародны дзень абароны дзяцей адзначаецца ў многіх краінах свету 1 чэрвеня. У Беларусі ахова дзяцінства, абарона правоў і інтарэсаў дзяцей - адзін з прыярытэтных напрамкаў дзейнасці дзяржавы. У рэспубліцы створана Нацыянальная камісія па правах дзіцяці, якая ажыццяўляе кантроль за выкананнем правоў і законных інтарэсаў дзяцей.

Навіны Беларусі (БелТА)