25 ліпеня, Мінск /Кар. БЕЛТА/. У Беларусі пашырыўся спіс прадпрыемстваў, абавязаных прадаваць валюту. Адпаведны ўказ №326 "Аб некаторых пытаннях абавязковага продажу замежнай валюты" Прэзідэнт Беларусі Аляксандр Лукашэнка падпісаў 25 ліпеня, паведамілі БЕЛТА ў прэс-службе кіраўніка дзяржавы. Улічваючы сітуацыю, якая склалася на ўнутраным валютным рынку, а таксама з мэтай стварэння роўных умоў гаспадарання адменены шэраг льгот па абавязковым продажы замежнай валюты, якія існавалі да гэтага часу. Як растлумачылі ў прэс-службе, прыняцце дакумента дазволіць павялічыць долю замежнай валюты, якая прадаецца ў абавязковым парадку. Указ уступае ў сілу пасля яго афіцыйнага апублікавання.-0-

БЕЛТА