18 студзеня, Мінск /Алена Прус - БЕЛТА/. У Беларусі з 1 студзеня 2012 года ўведзены карэкціруючыя каэфіцыенты да тарыфных ставак (акладаў) работнікаў бюджэтных арганізацый і іншых арганізацый, якія атрымліваюць субсідыі, работнікі якіх прыраўнаваны па аплаце працы да работнікаў бюджэтных арганізацый. Аб гэтым карэспандэнту БЕЛТА паведамілі ў галоўным упраўленні працы і заработнай платы Міністэрства працы і сацыяльнай абароны. Пастановай Савета Міністраў ад 30 снежня 2011 года №1775 тарыфная стаўка першага разраду для аплаты працы работнікаў бюджэтных арганізацый і іншых арганізацый, якія атрымліваюць субсідыі, работнікі якіх прыраўнаваны па аплаце працы да работнікаў бюджэтных арганізацый, устаноўлена ў памеры Br200 тыс. (яна павышана на 32,5%). Пастановай урада таксама павялічаны дыяпазон карэкціруючых каэфіцыентаў да тарыфных ставак (акладаў) работнікаў бюджэтных арганізацый, тарыфікаваных 1-27 разрадамі, з 2,862-0,915 на 3,720-0,920. Такое рашэнне прынята ў мэтах павышэння ўзроўню аплаты працы работнікаў бюджэтных арганізацый, пакупніцкай здольнасці іх заработнай платы і частковага аднаўлення дыферэнцыяцыі ў аплаце працы, адзначылі ў міністэрстве.