У Беларусі з сакавіка бягучага года растуць дзяржаўныя дапамогі сем'ям, якія выхоўваюць дзяцей, што разлічваюцца з памеру бюджэту пражытачнага мінімуму ў сярэднім на душу насельніцтва (БПМ). Пра гэта карэспандэнту БЕЛТА паведамілі ў Міністэрстве працы і сацыяльнай абароны.
У Беларусі з сакавіка бягучага года растуць дзяржаўныя дапамогі сем'ям, якія выхоўваюць дзяцей, што разлічваюцца з памеру бюджэту пражытачнага мінімуму ў сярэднім на душу насельніцтва (БПМ). Пра гэта карэспандэнту БЕЛТА паведамілі ў Міністэрстве працы і сацыяльнай абароны.
У Беларусі ўстаноўлены бюджэт пражытачнага мінімуму ў сярэднім на душу насельніцтва з 1 сакавіка па 30 красавіка бягучага года ў памеры Br1 млн 640 тыс. Такое рашэнне змяшчаецца ва ўказе ад 25 сакавіка 2016 года №111 "Аб падаткаабкладанні і зацвярджэнні бюджэту пражытачнага мінімуму". БПМ з 1 сакавіка гэтага года павышаны на 3,1% з мэтай забеспячэння дадатковай абароны сацыяльна ўразлівых катэгорый грамадзян. Нагадаем, бюджэт пражытачнага мінімуму ў сярэднім на душу насельніцтва з 1 лютага ў разліку на месяц складаў Br1 млн 591 тыс. 310.
У сакавіку памеры ўсіх відаў дзіцячых дапамог, якія разлічваюцца ў прывязцы да БПМ, вырастуць на 3,1% у параўнанні з лютым.
Так, аднаразовая дапамога пры нараджэнні першага дзіцяці (10 БПМ) у сакавіку і красавіку складзе Br16 млн 400 тыс., пры нараджэнні другога і наступных дзяцей (14 БПМ) - Br22 млн 960 тыс. Аднаразовая дапамога жанчынам, якія сталі на ўлік у дзяржаўных арганізацыях аховы здароўя да 12-тыднёвага тэрміну цяжарнасці, (100% БПМ) - Br1 млн 640 тыс.
Штомесячная дапамога на дзяцей старэйшыя за 3 гады з асобных катэгорый сем'яў, вызначаных заканадаўствам, на дзіця-інваліда (70% БПМ) роўная Br1 млн 148 тыс., на іншых дзяцей у сям'і (50% БПМ) - Br820 тыс. Штомесячная дапамога па доглядзе за дзіцем-інвалідам ва ўзросце да 18 гадоў (100% БПМ) з сакавіка складае Br1 млн 640 тыс., штомесячная дапамога на дзіця ва ўзросце да 18 гадоў, інфікаванага ВІЧ, (70% БПМ) - Br1 млн 148 тыс.
Штомесячная дапамога сем'ям на дзяцей ва ўзросце ад 3 да 18 гадоў у перыяд выхавання дзіцяці ва ўзросце да 3 гадоў (50% БПМ) цяпер складае Br820 тыс.
Як ужо паведамлялася, у сувязі са змяненнем БПМ з сакавіка павялічацца таксама мінімальныя працоўныя і сацыяльныя пенсіі; надбаўкі, павышэнні да пенсій і даплаты людзям ва ўзросце 75 гадоў і старэй; іншыя выплаты, што разлічваюцца з памеру БПМ.