Прэзідэнт Беларусі Аляксандр Лукашэнка 12 лютага падпісаў указ №49 "Аб стварэнні Беларускага інстытута стратэгічных даследаванняў". Пра гэта БЕЛТА паведамілі ў прэс-службе кіраўніка дзяржавы.
Прэзідэнт Беларусі Аляксандр Лукашэнка 12 лютага падпісаў указ №49 "Аб стварэнні Беларускага інстытута стратэгічных даследаванняў". Пра гэта БЕЛТА паведамілі ў прэс-службе кіраўніка дзяржавы.
Беларускі інстытут стратэгічных даследаванняў ствараецца з мэтай інфармацыйна-аналітычнага забеспячэння дзейнасці дзяржаўных органаў па стратэгічных напрамках знешняй і ўнутранай палітыкі.
У цэнтры ўвагі гэтай навукова-даследчай установы будзе правядзенне навуковых даследаванняў, вывучэнне тэндэнцый развіцця міжнародных, грамадска-палітычных і сацыяльна-эканамічных працэсаў, даследаванне рызык і выклікаў у інфармацыйнай сферы.
Беларускі інстытут стратэгічных даследаванняў зоймецца выпрацоўкай рэкамендацый, накіраваных на ўдасканаленне дзяржаўнай палітыкі ў розных сферах, прыме ўдзел у ўзгадненні распрацоўваемых дзяржаўнымі органамі дакументаў стратэгічнага планавання (дактрыны, стратэгіі, канцэпцыі).
Для правядзення аналітычных даследаванняў па стратэгічных пытаннях устойлівага развіцця Беларусі плануецца прыцягваць вядучых экспертаў у сферы знешняй і ўнутранай палітыкі, інфармацыйных тэхналогій, нацыянальнай бяспекі. Больш глыбокаму вывучэнню разглядаемых пытанняў будзе спрыяць цеснае супрацоўніцтва інстытута стратэгічных даследаванняў з дзяржорганамі, міжнароднымі арганізацыямі, айчыннымі і замежнымі аналітычнымі цэнтрамі (фабрыкамі думкі).