У Беларусі створаны роўныя ўмовы падаткаабкладання пры ўвозе, вытворчасці і рэалізацыі аўтамабіляў

11 красавіка, Мінск /Кар. БЕЛТА/. У Беларусі створаны роўныя ўмовы падаткаабкладання як пры ўвозе, так і пры вытворчасці і рэалізацыі аўтамабіляў на тэрыторыі рэспублікі. Пра гэта паведамілі карэспандэнту БЕЛТА ў Міністэрстве па падатках і зборах Беларусі, каментуючы ўказ №130 ад 4 красавіка 2011 года. "Прыняцце Указа Прэзідэнта Беларусі ад 4 красавіка 2011 года №130 "Аб унясенні змяненняў і дапаўненняў у некаторыя Указы Прэзідэнта Рэспублікі Беларусь" накіравана на ўстанаўленне роўных умоў падаткаабкладання як пры ўвозе, так і пры вытворчасці і рэалізацыі аўтамабіляў на тэрыторыі Рэспублікі Беларусь", - адзначылі ў міністэрстве. У прыватнасці, тут растлумачылі, што змяненні і дапаўненні ва ўказ ад 24 лістапада 2005 года №546 "Аб некаторых пытаннях падаткаабкладання тавараў, якія перамяшчаюцца праз мытную мяжу Рэспублікі Беларусь" прадугледжваюць вызваленне ад ПДВ і акцызаў пры ўвозе аўтамабіляў, незалежна ад краіны ўвозу (раней названыя прэферэнцыі не распаўсюджваюцца на транспартныя сродкі, якія ўвозяцца з тэрыторыі Расійскай Федэрацыі). Пры гэтым падатковая база па падатку на дабаўленую вартасць пры рэалізацыі юрыдычнымі асобамі і індывідуальнымі прадпрымальнікамі транспартных сродкаў вызначаецца як розніца паміж цаной рэалізацыі і цаной набыцця транспартных сродкаў незалежна ад месца іх набыцця і катэгорыі прадаўца (гэта значыць імі могуць быць як фізічныя, так і юрыдычныя асобы). Раней названая прэферэнцыя распаўсюджвалася толькі на асоб, якія рэалізуюць аўтамабілі, увезеныя імі на тэрыторыю Беларусі ў адпаведнасці з указам №546. Змяненні і дапаўненні, унесеныя ва ўказ ад 4 красавіка 2009 года №175 "Аб мерах па развіцці вытворчасці легкавых аўтамабіляў" прадугледжваюць для аўтавытворцаў вызваленне ад разліку і выплаты акцызаў у частцы аб'ёмаў вырабленых легкавых аўтамабіляў і аўтакампанентаў уласнай вытворчасці і іх рэалізацыі на тэрыторыі Беларусі, а таксама ад ПДВ у частцы абаротаў па рэалізацыі на тэрыторыі Беларусі, вырабленых імі легкавых аўтамабіляў. У ранейшай рэдакцыі названыя прэферэнцыі вытворцу адсутнічалі. Таксама прадугледжана вызваленне ад разліку і выплаты ПДВ, які спаганяецца падатковымі органамі пры ўвозе тэхналагічнага абсталявання і аўтакампанентаў з тэрыторыі дзяржаў - членаў Мытнага саюза, для вытворчасці легкавых аўтамабіляў.

Адпаведна з уступленнем у сілу ўказа №130 ад 4 красавіка 2011 года ў Беларусі ствараюцца роўныя ўмовы падаткаабкладання пры рэалізацыі транспартных сродкаў, як увезеных на тэрыторыю Беларусі, так і набытых аўтосалонамі ў юрыдычных і фізічных асоб на тэрыторыі рэспублікі, а таксама ў беларускіх вытворцаў. У МПЗ лічаць, што меркаванне асобных асоб аб тым, што з уступленнем у сілу ўказа №130 у рэспубліцы падымуцца цэны на легкавыя аўтамабілі, не мае заканадаўчай асновы. У міністэрстве нагадалі, што з 1 ліпеня 2010 года ўступіла ў сілу Пагадненне аб прынцыпах спагнання ускосных падаткаў пры экспарце і імпарце тавараў, выкананні работ, аказанні паслуг у Мытным саюзе ад 25 студзеня 2008 года, палажэнні якога прадугледжваюць прадастаўленне нулявой стаўкі ПДВ экспарцёру, у тым ліку і пры экспарце тавараў, якія вызваляюцца пры ўвозе, згодна з заканадаўствам дзяржавы-імпарцёра. Гэтая норма адрозніваецца ад раней дзеючага артыкула 2 Пагаднення паміж урадам Расійскай Федэрацыі і ўрадам Рэспублікі Беларусь аб прынцыпах спагнання ускосных падаткаў пры экспарце і імпарце тавараў, выкананні работ, аказанні паслуг ад 15 верасня 2004 года, згодна з якой у выпадку прадастаўлення льготы пры ўвозе па заканадаўстве краіны-імпарцёра, дзяржава, дзе зарэгістраваны экспарцёр, нулявую стаўку па ПДВ не прадастаўляла. Адпаведна расійская арганізацыя, якая рэалізуе аўтамабіль беларускай арганізацыі, мае права прымяніць нулявую стаўку ПДВ у дачыненні да тавараў, якія льгоцяцца пры ўвозе на тэрыторыю Беларусі, у тым ліку на падставе ўказа №130. "Такім чынам, маюцца ўсе перадумовы для зніжэння цаны (у частцы падатковага складніка) на легкавыя аўтамабілі, што рэалізуюцца, у тым ліку і таму, што падатковая база па падатку на дададзеную вартасць у такіх выпадках вызначаецца не з усяго абароту, а з розніцы паміж цаной рэалізацыі і цаной набыцця", - рэзюмавалі ў МПЗ.-0-

БЕЛТА