У Беларусі сярэдні памер пенсій у снежні ў 2,5 раза перавысіў БПМ для пенсіянераў

У Беларусі сярэдні памер прызначаных пенсій у снежні 2014 года склаў Br2 млн 643,5 тыс., паведамілі карэспандэнту БЕЛТА ў Нацыянальным статыстычным камітэце.

У Беларусі сярэдні памер прызначаных пенсій у снежні 2014 года склаў Br2 млн 643,5 тыс., паведамілі карэспандэнту БЕЛТА ў Нацыянальным статыстычным камітэце.

Суадносіны сярэдняга памеру прызначаных пенсій у снежні 2014 года і сярэдняга памеру налічанай заработнай платы склалі 38,8% (у снежні 2013-га - 37,7%), да бюджэту пражытачнага мінімуму для пенсіянераў - 246,5% (у снежні 2013-га - 254,5%). Нагадаем, БПМ для пенсіянераў на перыяд з 1 лістапада 2014 года па 31 студзеня 2015 года складае Br1 млн 72,2 тыс. у разліку на месяц.

Паводле статыстычных даных, сярэдні памер пенсій па ўзросце склаў у снежні Br2 млн 734,4 тыс., па інваліднасці - Br2 млн 414,6 тыс. рублёў, па страце кармільца - Br1 млн 764,5 тыс., сацыяльных пенсій - Br1 млн 271,4 тыс.

Рэальны памер прызначаных пенсій у снежні 2014 года да ўзроўню снежня 2013 года склаў 103,1%, да лістапада 2014 года - 99,4%.

У органах па працы, занятасці і сацыяльнай абароне ў снежні на ўліку знаходзілася 2 млн 559,7 тыс. пенсіянераў.

Навіны Беларусі (БЕЛТА)