У Беларусі заснавуюць да 100 грантаў на навучанне замежнікаў з верасня 2019 года. Адпаведны ўказ Прэзідэнта Беларусі №232 ад 12 чэрвеня 2018 года апублікаваны на Нацыянальным прававым інтэрнэт-партале, паведамляе БЕЛТА.
У Беларусі заснавуюць да 100 грантаў на навучанне замежнікаў з верасня 2019 года. Адпаведны ўказ Прэзідэнта Беларусі №232 ад 12 чэрвеня 2018 года апублікаваны на Нацыянальным прававым інтэрнэт-партале, паведамляе БЕЛТА.
Указам пастанаўляецца з 1 верасня 2019 года заснаваць да 100 грантаў для прыцягнення замежных грамадзян і асоб без грамадзянства, якія пастаянна пражываюць за межамі Беларусі, на навучанне ў дзяржаўных установах вышэйшай і сярэдняй спецыяльнай адукацыі.
Гранты засноўваюцца для засваення замежнымі грамадзянамі зместу адукацыйных праграм вышэйшай і сярэдняй спецыяльнай адукацыі за кошт сродкаў рэспубліканскага бюджэту ў адпаведнасці з квотамі, штогод вызначанымі Міністэрствам адукацыі па ўзгадненні з Міністэрствам замежных спраў. Прадастаўляцца замежнікам яны будуць па выніках адбору, які праводзіцца ў парадку, вызначаным Саветам Міністраў.
Замежным грамадзянам, якія атрымліваюць адукацыю ў Беларусі за кошт грантаў на навучанне, будзе назначацца стыпендыя, выплачвацца надбаўкі да яе за поспехі ў вучобе, навуковай і грамадскай працы, ім будзе прадастаўляцца жылое памяшканне ў інтэрнаце ўстановы адукацыі на перыяд навучання з спагнаннем платы за карыстанне.
Савету Міністраў даручана ў трохмесячны тэрмін прыняць меры па рэалізацыі ўказа. Ён уступае ў сілу пасля афіцыйнага апублікавання.