У Беларусі ўрэгулююць выкарыстанне сучасных авіямадэлей. Гэта прадугледжана ўказам №81, які падпісаў Прэзідэнт, паведамілі БЕЛТА ў прэс-службе кіраўніка дзяржавы.
У Беларусі ўрэгулююць выкарыстанне сучасных авіямадэлей. Гэта прадугледжана ўказам №81, які падпісаў Прэзідэнт, паведамілі БЕЛТА ў прэс-службе кіраўніка дзяржавы.
Рэалізацыя палажэнняў указа будзе спрыяць забеспячэнню належнага ўзроўню бяспекі палётаў паветраных суднаў і грамадскай бяспекі. Ён забяспечвае прававое рэгуляванне выкарыстання сучасных авіямадэлей. Валодаючы небяспечнымі тэхнічнымі характарыстыкамі, яны сталі шырока даступныя насельніцтву і выкарыстоўваюцца ў спартыўных, забаўляльных мэтах, камерцыйнай і навукова-даследчай дзейнасці.
Нароўні з карысным прымяненнем у розных сферах жыццядзейнасці авіямадэлі сталі ўяўляць пагрозу карыстальнікам паветранай прасторы Беларусі. Не выключаецца таксама выкарыстанне лятальных апаратаў такога тыпу ў тэрарыстычных, экстрэмісцкіх і іншых злачынных мэтах, у тым ліку ў месцах правядзення масавых мерапрыемстваў. Гэта патрабавала абмежавання выкарыстання авіямадэлей у пэўных выпадках.
Указ №81 удакладняе паняцце авіямадэлей, устанаўлівае права на іх выкарыстанне ў паветранай прасторы Беларусі без дазволаў органаў Адзінай сістэмы арганізацыі паветранага руху. Парадак выкарыстання авіямадэлей вызначыць урад. За парушэнне ўказанага парадку будзе ўстаноўлена адміністрацыйная адказнасць.