У Беларусі ўстаноўлены памеры мінімальных спажывецкіх бюджэтаў (МСБ) для розных сацыяльна-дэмаграфічных груп у сярэднім на душу насельніцтва і на аднаго члена сям'і рознага складу ў цэнах сакавіка 2016 года. Такое рашэнне змяшчаецца ў пастанове Міністэрства працы і сацыяльнай абароны ад 21 красавіка гэтага года №19, паведамляе карэспандэнт БЕЛТА са спасылкай на Нацыянальны прававы інтэрнэт-партал.
У Беларусі ўстаноўлены памеры мінімальных спажывецкіх бюджэтаў (МСБ) для розных сацыяльна-дэмаграфічных груп у сярэднім на душу насельніцтва і на аднаго члена сям'і рознага складу ў цэнах сакавіка 2016 года. Такое рашэнне змяшчаецца ў пастанове Міністэрства працы і сацыяльнай абароны ад 21 красавіка гэтага года №19, паведамляе карэспандэнт БЕЛТА са спасылкай на Нацыянальны прававы інтэрнэт-партал.
Так, мінімальны спажывецкі бюджэт на аднаго члена сям'і з чатырох чалавек з 1 мая па 30 чэрвеня 2016 года ў разліку на месяц складае Br2 млн 762 тыс. 410 (МСБ з 1 лютага па 30 красавіка ў разліку на месяц роўны Br2 млн 574 тыс. 730), на перыяд з 1 па 31 ліпеня - Br276 рублёў 24 капейкі.
У цяперашні час сярэднедушавы мінімальны спажывецкі бюджэт сям'і з чатырох чалавек служыць асновай для вызначэння права грамадзян на атрыманне льготных крэдытаў і субсідый на будаўніцтва (рэканструкцыю) або набыццё жылых памяшканняў; грамадзян, якія пастаянна пражываюць і працуюць у населеных пунктах з колькасцю насельніцтва да 20 тыс. чалавек, - льготных крэдытаў на капітальны рамонт і рэканструкцыю жылых памяшканняў, будаўніцтва інжынерных сетак, узвядзенне гаспадарчых памяшканняў і пабудоў, а таксама для вызначэння іншых сацыяльных стандартаў.
Пастановай Мінпрацы і сацабароны ўстаноўлены таксама сярэднедушавыя мінімальныя спажывецкія бюджэты маладой сям'і з трох чалавек з 1 мая па 30 чэрвеня - Br3 млн 24 тыс. 740 і з 1 ліпеня па 31 ліпеня - Br302 рублі 47 капеек; працаздольнага насельніцтва - адпаведна Br3 млн 552 тыс. 670 і Br355 рублёў 27 капеек; пенсіянераў - Br2 млн 799 тыс. 940 і Br279 рублёў 99 капеек; студэнтаў - Br2 млн 645 тыс. 860 і 264 рублі 59 капеек; дзяцей ва ўзросце да 3 гадоў - Br2 млн 261 тыс. 360 і Br226 рублёў 14 капеек; дзяцей ва ўзросце ад 3 да 6 гадоў - Br2 млн 985 тыс. 380 і Br298 рублёў 54 капейкі; дзяцей ва ўзросце ад 6 да 18 гадоў - Br3 млн 32 тыс. 50 і Br303 рублі 21 капейка.
Мінімальныя спажывецкія бюджэты ўстанаўліваюцца штоквартальна пастановай Міністэрства працы і сацыяльнай абароны ў цэнах апошняга месяца квартала для шасці сацыяльна-дэмаграфічных груп і дзвюх сем'яў рознага складу.