У Беларусі ўдакладняюцца ўмовы прадастаўлення грамадзянам льготных крэдытаў на будаўніцтва жылля

9 студзеня, Мінск /Кар. БЕЛТА/. У Беларусі ўдакладняюцца ўмовы прадастаўлення грамадзянам льготных крэдытаў на будаўніцтва жылля. Адпаведны ўказ №13 "Аб некаторых пытаннях прадастаўлення грамадзянам дзяржаўнай падтрымкі пры будаўніцтве (рэканструкцыі) або набыцці жылых памяшканняў" 6 студзеня падпісаў кіраўнік дзяржавы Аляксандр Лукашэнка, паведамілі БЕЛТА ў прэс-службе беларускага лідара. "У мэтах аптымізацыі льготнага крэдытавання жыллёвага будаўніцтва і звязаных з ім бюджэтных расходаў указам устанаўліваюцца ўдакладненыя ўмовы прадастаўлення грамадзянам льготных крэдытаў", - праінфармавалі ў прэс-службе. Такім чынам, права на атрыманне льготных крэдытаў захоўваецца для грамадзян са шматдзетных сем'яў (пазачарговае права); якія пражываюць у жылых памяшканнях, прызнаных ва ўстаноўленым парадку непрыдатнымі для пражывання (пазачарговае права); якія пражываюць у інтэрнатах не менш за дзесяць гадоў, у якіх, уключаючы сумесна пражываючых членаў сям'і і асобна пражываючых сужэнцаў, няма ў уласнасці жылых памяшканняў, у тым ліку размешчаных у іншых населеных пунктах Рэспублікі Беларусь (пазачарговае права); грамадзян, у складзе сем'яў якіх маюцца дзеці-інваліды, а таксама інваліды з дзяцінства I і II групы (пазачарговае права); якія захварэлі і перанеслі прамянёвую хваробу, выкліканую наступствамі катастрофы на Чарнобыльскай АЭС (пазачарговае права); якія маюць права на пазачарговае атрыманне жылых памяшканняў сацыяльнага карыстання дзяржаўнага жыллёвага фонду.

Таксама права на атрыманне льготных крэдытаў захоўваецца для ветэранаў баявых дзеянняў на тэрыторыі іншых дзяржаў; якія ажыццяўляюць будаўніцтва (рэканструкцыю) або набыццё жылых памяшканняў у населеных пунктах з колькасцю насельніцтва да 20 тыс. чалавек; працаздольных паўналетніх членаў сям'і наймальніка жылога памяшкання сацыяльнага карыстання дзяржаўнага жылога фонду ў выпадку яго смерці або выезду на пастаяннае жыхарства ў іншае жылое памяшканне, якія не маюць у карыстанні жылога памяшкання дзяржаўнага жылога фонду на падставе дагавора найму або ва ўласнасці іншага жылога памяшкання ў дадзеным населеным пункце агульнай плошчай 15 кв.м і больш (у Мінску - 10 кв.м і больш) на аднаго чалавека; паўналетніх членаў сям'і памерлага (загінулага, прызнанага без вестак адсутным) наймальніка службовага жылога памяшкання дзяржаўнага жыллёвага фонду; паўналетніх маладых грамадзян, якія з'яўляюцца лаўрэатамі спецыяльнага фонду Прэзідэнта Беларусі па сацыяльнай падтрымцы адораных навучэнцаў і студэнтаў і (або) спецыяльнага фонду Прэзідэнта па падтрымцы таленавітай моладзі; таленавітых маладых вучоных, якім былі прызначаны стыпендыі Прэзідэнта; суддзяў і пракурорскіх работнікаў; маладых сем'яў, якія маюць дваіх непаўналетніх дзяцей. Для ваеннаслужачых захоўваецца права на атрыманне льготных крэдытаў на ўмовах, устаноўленых указам №195 ад 3 красавіка 2008 года. Прадастаўленне льготных крэдытаў плануецца ажыццяўляць на 20 гадоў пад працэнтную стаўку, роўную 20% ад стаўкі рэфінансавання Нацыянальнага банка (у цяперашні час 8%), але не менш за 5% гадавых (для грамадзян, якія пражываюць і працуюць у населеных пунктах з колькасцю насельніцтва да 20 тыс. чалавек, - 10% ад стаўкі рэфінансавання Нацыянальнага банка, але не менш за 3% гадавых). Для маладых сем'яў, якія маюць дваіх непаўналетніх дзяцей, крэдыты будуць выдавацца на 20 гадоў пад працэнтную стаўку, роўную 50% ад стаўкі рэфінансавання Нацыянальнага банка. Для шматдзетных сем'яў умовы прадастаўлення льготных крэдытаў застаюцца ранейшыя - на 40 гадоў пад 1% гадавых. Пры гэтым субсідыя выдавацца не будзе, а памер крэдыту складзе 100% ад кошту нарматыву льготна крэдытуемай плошчы.Указам прадугледжана павелічэнне памераў аказваемай шматдзетным сем'ям фінансавай дапамогі ў пагашэнні льготных крэдытаў: з 50% да 75% ад рэшткавай крэдытнай лініі для сем'яў, якія маюць траіх непаўналетніх дзяцей, і з 70% да 100% для сем'яў, якія маюць чацвярых дзяцей, а таксама першачарговае ўключэнне ў склад фарміруемых ЖСК шматдзетных сем'яў, якія маюць чацвярых і больш дзяцей. Дакументам таксама прадастаўляецца адтэрміноўка ў пагашэнні крэдытаў і выплаце працэнтаў па іх для сем'яў, у якіх адзін з бацькоў знаходзіцца ў адпачынку па доглядзе за другім і наступнымі дзецьмі да трох гадоў, на перыяд знаходжання ў такім адпачынку. Пры разліку памеру крэдыту ў адпаведнасці з новымі ўмовамі будзе вылічвацца плошча наяўных у прыватнай уласнасці (адчужаных на працягу трох гадоў) крэдытаатрымальніка і членаў яго сям'і жылых памяшканняў не толькі ў населеным пункце па месцы жыхарства крэдытаатрымальніка і месцы будаўніцтва жылля, але і ва ўсіх іншых населеных пунктах рэспублікі. Акрамя таго, зніжаны нарматыў льготна крэдытуемай плошчы ў Мінску з 20 да 15 кв.м, за выключэннем шматдзетных сем'яў, для якіх дадзены нарматыў захоўваецца ў памеры 20 кв.м. У мэтах забеспячэння завяршэння пачатага будаўніцтвам жылля ўказ распаўсюджвае новыя ўмовы крэдытавання грамадзян толькі на зноў заключаемыя крэдытныя дагаворы. Пры гэтым памеры ўжо адкрытых крэдытных ліній для катэгорый грамадзян, якія губляюць права на атрыманне льготных крэдытаў, пераглядацца не будуць (незалежна ад павелічэння кошту будаўніцтва). Стаўка крэдытавання з улікам памеру стаўкі рэфінансавання Нацыянальнага банка будзе вызначацца на дату зацвярджэння спісаў на атрыманне льготных крэдытаў, што дазволіць ураўнаваць умовы для грамадзян-крэдытаатрымальнікаў, якія будуюць жылыя памяшканні ў адным доме. Нормы дзеючага ўказа №185 на грамадзян, уключаных у спісы на атрыманне льготных крэдытаў, але не паспеўшых заключыць крэдытныя дагаворы з банкам, не распаўсюджваюцца.-0-

БЕЛТА