У Беларусі ў 2020 годзе намечана будаўніцтва 5 млн кв.м жылля, паведаміў намеснік прэм'ер-міністра Анатоль Калінін у эфіры тэлеканала СТБ, інфармуе БЕЛТА.
У Беларусі ў 2020 годзе намечана будаўніцтва 5 млн кв.м жылля, паведаміў намеснік прэм'ер-міністра Анатоль Калінін у эфіры тэлеканала СТБ, інфармуе БЕЛТА.
Аб'ёмы будаўніцтва жылля ў 2019 годзе першапачаткова прапаноўвалася ўстанавіць на ўзроўні 4 млн кв.м. "Але я лічу, што мы можам узяць на сябе павышаныя абавязацельствы. У нас ёсць магчымасці, сілы і сродкі для таго, каб выйсці на больш высокія аб'ёмы. А ў 2020 годзе мы можам выйсці на ўзровень 5 млн кв.м", - сказаў Анатоль Калінін. Асноўным драйверам павінна быць будаўніцтва жылля для шматдзетных сем'яў, у гарадах-спадарожніках, а таксама індывідуальнае жыллёвае будаўніцтва.
У Беларусі ў бягучым годзе плануецца ўвесці ў эксплуатацыю 4 млн кв.м жылля. Віцэ-прэм'ер падкрэсліў, што гэты план будзе выкананы, а магчыма, і перавыкананы. У тым ліку плануецца пабудаваць каля 900 тыс. кв.м жылля з дзяржпадтрымкай. "Мы ў 2018 годзе павялічылі аб'ёмы будаўніцтва жылля для шматдзетных удвая. Але галоўная праблема - тое, што шматдзетныя стаяць у чарзе больш за тры гады. Мы ўзялі на сябе абавязацельствы на працягу 2019-2020 гадоў яе вырашыць, каб на 2021 год у чарзе засталіся толькі шматдзетныя сем'і, якія стаяць не больш за адзін год. Мы паставілі задачу аблвыканкамам да 1 жніўня прадаставіць у Міністэрства архітэктуры і будаўніцтва комплексны план", - адзначыў ён.