23 верасня, Мінск /Кар. БЕЛТА/. У выбарчых бюлетэнях на парламенцкіх выбарах знаходзяцца 293 прозвішчы кандыдатаў у дэпутаты. Пра гэта паведаміла сёння журналістам старшыня Цэнтрвыбаркама Лідзія Ярмошына, перадае карэспандэнт БЕЛТА. "Мы сабралі звесткі, якая ўсё ж колькасць кандыдатаў у дэпутаты ў нас засталася на сённяшні дзень. Паводле даных на першы дзень датэрміновага галасавання 18 верасня іх было 293, і гэтая лічба не змянілася, па-ранейшаму ў выбарчых бюлетэнях знаходзяцца прозвішчы 293 кандыдатаў. І ўсе звесткі пра іх маюцца на інфармацыйных рэсурсах", - сказала Лідзія Ярмошына. Яна таксама адзначыла, што ніякіх надзвычайных здарэнняў альбо здарэнняў трывожных, звязаных з выбарамі, з адкрыццём выбарчых участкаў, са захоўваннем выбарчых бюлетэняў, за мінулыя суткі не адбылося. Такім чынам, створаны ўсе неабходныя ўмовы для ўдзелу грамадзян у выбарах, лічыць яна.-0-

БЕЛТА