У Каменскім сельскім выканаўчым камітэце — новы кіраўнік!

У сувязі з выхадам на заслужаны адпачынак Мікалая Сініцына выконваючым абавязкі старшыні прызначаная Алеся Ерашова.

— Гэта вельмі складаная, шматгранная і адказная пасада. У першую чаргу тут трэба працаваць з людзьмі і для людзей, — адзначыў Міхаіл Кісялевіч, уручаючы пасведчанне новаму кіраўніку сельвыканкама. Алесю Ерашову таксама павіншаваў лідар дэпутацкага корпуса раёна Ігар Урбан, пажадаўшы ёй моцнага здароўя, натхнення і падтрымкі з боку калег.

Мікалай Сініцын, падзякаваў дэпутацкаму актыву за плённую працу, выказаў упэўненасць, што новы старшыня працягне развіваць сельсавет і даб'ецца значных вынікаў. Ён пажадаў Алесі Ерашовай поспехаў у рэалізацыі намечаных планаў і эфектыўнага ўзаемадзеяння з жыхарамі.