17 лістапада а 8.43 ратавальнікам паступіла паведамленне аб пажары трактара.

Калі баявыя разлікі прыбылі да месца паведамлення, назіралася адкрытае гарэнне кабіны трактара МТЗ.

Пацярпелых няма.

У выніку пажару ў трактары пашкоджаны кабіна і задняе левае кола.

Разглядаемая версія прычыны ўзнікнення пажару – парушэнне правіл эксплуатацыі электрасетак і электраабсталявання (кароткае замыканне электраправодкі трактара).

Пажар – гэта не выпадковасць! Кожны павінен разумець пра гэта і ніколі не губляць пільнасць. Будзьце ўважлівыя і асцярожныя, у выпадку пажару неадкладна тэлефануйце па тэлефоне 101 або 112. Паведаміце дакладнае месца здарэння і апішыце найбольш важныя дэталі. Прадастаўце дыспетчару ваш нумар тэлефона, каб у выпадку неабходнасці ён змог удакладніць важную інфармацыю. І памятайце, што чым раней вы патэлефануеце, тым больш шанцаў на выратаванне людзей і іх маёмасці.