Сёння лепельчане адзначылі надыходзячае прафесійнае свята АПК краіны – Дзень работнікаў сельскай гаспадаркі і перапрацоўчай прамысловасці.
Сёння лепельчане адзначылі надыходзячае прафесійнае свята АПК краіны
– Дзень работнікаў сельскай гаспадаркі і перапрацоўчай прамысловасці.
Лепшых аграрыяў раёна ва ўрачыстай абстаноўцы павіншавалі кіраўніцтва
раёна, прадстаўнікі грамадскіх аб'яднанняў, партнёрскіх прадпрыемстваў і
раённых арганізацый сацыяльнай сферы.
«Вы – гонар роднай зямлі. Дзякуючы зладжанай працы сейбітаў наш край
становіцца з кожным годам эканамічна мацнейшы. Дзякуй за працу!» – такія словы
неаднаразова гучалі са сцэны.
-Дзень работнікаў сельскай гаспадаркі - гэта свята ўсяго нашага раёна,
свята земляробаў і жывёлаводаў, працаўнікоў прадпрыемстваў перапрацоўчай
прамысловасці, спецыялістаў і кіраўнікоў, моладзі і ветэранаў
сельскагаспадарчай вытворчасці.
Сёння мы ўшаноўваем людзей, якія ўносяць важкі ўклад ва ўмацаванне адной з
жыццёва важных галін эканомікі. Усе мы ведаем, што ад вашай працы шмат у чым
залежыць дабрабыт нашага краю і сацыяльная стабільнасць.
Наступны год аказаўся няпростым для нашых аграрыяў. Позняя вясна, летняя
засуха вельмі негатыўна паўплывалі на ўсходы і развіццё сельскагаспадарчых
культур. Тым не менш, земляробы Лепельскага раёна ўнеслі свой важкі ўклад у
агульны каравай вобласці. У 2022 годзе сельскагаспадарчымі арганізацыямі раёна
намалочана збожжа 33,8 тысяч тон, што на 21,3 працэнта больш за леташні ўзровень.
Ураджайнасць збожжавых і зернебабовых культур склала 27,8 цэнтнера з гектара.
Найбольшы ўклад у агульны каравай унёс філіял «Баброва-Агра» ЗАТ «Віцебскаграпрадукт»,
намалаціўшы 10,9 тыс. тон збожжа.
У бягучым годзе земляробамі раёна выгадаваны і сабраны рапс 2,0 тысячы тон
пры ўраджайнасці 9,4 цэнтнера з гектара, - адзначыў у сваім выступленні
кіраўнік раёна Міхаіл Кісялевіч.
Урачыстую цырымонію ўручэння ўзнагарод правялі старшыня раённага выканаўчага камітэта, начальнік аддзела ідэалагічнай работы, культуры і па справах моладзі райвыканкама Алена Барадзейка, а таксама старшыня раённай арганізацыі прафсаюза работнікаў АПК Сяргей Мартыновіч.
