У Лепелі прайшоў раённы піянерскі урачысты злёт «БРПА — фармат твайго дзяцінства», прысвечаны Дню піянерскага сяброўства, і ўрачысты прыём у рады ГА «БРПА».
У
Лепелі прайшоў раённы піянерскі урачысты злёт «БРПА — фармат твайго
дзіцяці», прысвечаны Дню піянерскага сяброўства, і ўрачысты прыём у рады ГА
«БРПА».
На святочнае мерапрыемства сабраліся дэлегаты піянерскіх дружын раёна,
прадстаўнікі органаў улады і грамадскіх арганізацый, ветэраны піянерскага
руху, бацькі вучняў з розных школ раёна.
Пачаткам урачыстасці сталі раўнанне на Дзяржаўны флаг і выкананне
Дзяржаўнага гімна Рэспублікі Беларусь.
Каля 300 дзяцей з розных куткоў нашага раёна з хваляваннем зачыталі
урачыстае абяцанне любіць сваю Радзіму, быць добрым, сумленным і
справядлівым, заўсёды выконваць законы піянераў Беларусі. Пасля чаго
чырвона-зялёныя гальштукі павязалі піянеры розных гадоў і госці мерапрыемства, а
таксама сказалі напутлівыя словы.
На піянерскім свяце таксама 15 дзяцей развіталіся з гальштукам і атрымалі
білеты членаў БРСМ. Акрамя гэтага 3 білеты ўручаны прадстаўнікам працоўнай
моладзі.
З словамі віншавання да дзяцей звярнуліся ганаровыя госці мерапрыемства. Яны
ўспаміналі, як калісьці самі былі піянерамі, жадалі дзецям з гонарам насіць
гальштук і быць сапраўднымі патрыётамі сваёй Радзімы. Так, напрыклад, раней
практычна ўвесь свой вольны ад вучобы час многія школьнікі прысвячалі
грамадскай працы. Падцягвалі адстаючых аднакласнікаў, шэфствавалі над
малодшымі, клапаціліся пра пажылых.
Слова віншавання новаспечаным членам саюза моладзі сказала першы сакратар РК ГА «БРСМ» Дар'я Мазго.
Свята было напоўнена цяплом і сяброўскай атмасферай. А дзяцей чакаюць новыя
заданні, якія дазволяць ім праявіць надзейнасць, вытрымку, смеласць,
сумленнасць і справядлівасць.
***
Больш стагоддзя таму 19 мая першыя ў Савецкім Саюзе хлапчукі і дзяўчынкі
павязалі чырвоныя гальштукі і сталі называць сябе піянерамі. Традыцыя праводзіць
урачысты збор па прыёме ў рады гэтай арганізацыі захавалася да нашых дзён.
Яна Міснік. Газета "Лепельскі край"