У ЛЕПЕЛЬСКИМ РАЁНЕ АДБЫЎСЯ VII АДКРЫТЫ АБЛАСНЫ ІНТЭЛЕКТУАЛЬНЫ ТУРНІР

Арганізатарамі турніру традыцыйна выступілі адміністрацыя школы і інтэлектуальны клуб «IQ2» на чале з нязменным кіраўніком Яўгеніяй Ерыцан, настаўніцай гісторыі і грамадазнаўства.

Турнір адкрыла дырэктар школы Дзіяна Мысіна. Яна прывітала ўсіх прысутных, прадставіла каманды з Віцебска і Барысава, якія прымаюць удзел у нашым турніры ўпершыню, пажадала ўсім цікавай і насычанай гульні. Таксама Дзіяна Анатолеўна падзякавала спонсарам турніру -- філіялу «Лепельскі МКК» ААТ «Віцебскі мясакамбінат» за прадастаўленыя салодкія прызы ўсім гульцам і трэнерам.

Змагацца за званне лепшага інтэлектуала вобласці сабраліся 18 каманд з Полацка, Віцебска, Наваполацка, Гарадка, Лепеля, а таксама г. Барысава. Вядучай турніру стала былы член школьнага інтэлектуальнага клуба Дзіяна Ерыцан. Рады, што ўдзел у арганізацыі такога дастаткова важнага мерапрыемства не толькі для клуба, але і для школы прынялі выпускнікі Бароўскай сярэдняй школы -- сапраўды годная пераемнасць пакаленняў.

Турнір атрымаўся вельмі насычаным. Былі праведзены тры гульні: "Медыяазбука", "Свая гульня" і «Што? Дзе? Калі?».

Мы удзячныя ўсім камандам і трэнерам, якія падтрымалі турнір. Асобную падзяку выказваем Сяргею Красоўскаму (трэнеру з Полацка), Анатолю Вайлокаву (трэнеру з Гарадка), Андрэю Кушніру, Юліяне Часнокавай (былому члену інтэлектуальнага клуба) за неацэнную дапамогу ў працы журы і падвядзенні вынікаў!

Вынікі аказаліся вельмі цікавымі.

У гульні «Медыяазбука»:

1 месца – «Лабірынт» (ДУА «Гімназія №1 г. Наваполацка»);

2 месца – «Аперацыя Ў» (ДУДА «Полацкі раённы цэнтр дзяцей і моладзі", УА "Полацкая дзяржаўная гімназія №1»);

2 месца – «Вожыкі – інтэлектуалы» (ДУА "Гімназія №1 г. Віцебска ім. Ж. І. Алфёрава"/ ДУДА "Віцебскі абласны Палац дзяцей і моладзі");

3 месца – «Саўдзельнікі» (ДУА «Сярэдняя школа №4 г. Наваполацка»).

У гульні «Свая гульня»:

1 месца – «Лабірынт» (ДУА «Гімназія №1 г. Наваполацка»);

2 месца – «Аперацыя Ў» (ДУДА «Полацкі раённы цэнтр дзяцей і моладзі", УА "Полацкая дзяржаўная гімназія №1»);

3 месца – «Вожыкі – інтэлектуалы» (ДУА "Гімназія №1 г. Віцебска ім. Ж. І.

Алферова"/ ДУА "Віцебскі абласны палац дзяцей і моладзі").

У гульні «Што? Дзе? Калі?»:

1 месца – «Аперацыя Ў» (ДУА «Полацкі раённы цэнтр дзяцей і моладзі", ВА "Полацкая дзяржаўная гімназія №1»);

2 месца – «Вожыкі – інтэлектуалы» (ДУА "Гімназія №1 г. Віцебска ім. Ж. І. Алферова"/ ДУА "Віцебскі абласны палац дзяцей і моладзі";

3 месца – «Саўдзельнікі» (ДУА «Сярэдняя школа №4 г. Наваполацка»).

Залік сярод школьных каманд Лепельскага раёна:

1 месца – «Груша» (ДУА "Сярэдняя школа №3 г. Лепеля");

2 месца – «Grazy ladies» (ДУА «Бароўская сярэдняя школа ім.Г.К.Жукава Лепельскага раёна);

3 месца – «Рытм» (ДУА «Гімназія ім. І.М.Ерашова г. Лепеля»).

Залік сярод юнацкіх каманд:

1. «Аперацыя Ў» (ДУА «Полацкі раённы цэнтр дзяцей і моладзі", ВА "Полацкая дзяржаўная гімназія №1»);

2. «Вожыкі – інтэлектуалы» (ДУА "Гімназія №1 г. Віцебска ім. Ж. І. Алферова"/ ДУА "Віцебскі абласны палац дзяцей і моладзі");

З. «Саўдзельнікі» (ДУА "СШ №4 г. Наваполацк»).

Залік сярод юніёрскіх каманд:

1 месца – «Лабірынт» (ДУА «Гімназія №1 г. Наваполацка»);

2 месца – "Дэмабілізацыя" (ВА "Полацкая дзяржаўная гімназія №1 імя Ф. Скарыны);

3 месца – «На Марсе класна» (ДУА "Полацкі раённы цэнтр дзяцей і моладзі").

Віншуем каманды, якія занялі прызавыя месцы! Усім гульцам жадаем здароўя, удачы і дасягнення інтэлектуальных вышынь!

Арганізатары і ўдзельнікі турніру выказваюць шчырую удзячнасць намесніку старшыні Лепельскага райвыканкама Віктару Азаранку, філіялу «Лепельскі МКК» ААТ «Віцебскі мясакамбінат» за пачастунак марозівам усіх удзельнікаў турніру.
Вялікая ўдзячнасць у арганізацыі і правядзенні турніру настаўнікам Мадзіне Сафінай, Наталлі Наймушынай, Наталлі Мысінай, вучням 6 «Б» класа Ганне Ларковіч, Глебу Голубеву і Івану Галыніну.

Наталля Храпавіцкая. Газета "Лепельскі край"