«Неасцярожнае абыходжанне з агнём пры паленні» — менавіта гэтая фармулёўка часцей за ўсё сустракаецца ў аператыўных зводках МНС. І гэтая праблема, нягледзячы на маштабную прафілактычную працу, якая праводзіцца ратавальнікамі, на жаль, па-ранейшаму злобадзённая.
«Неасцярожнае абыходжанне з агнём пры паленні» — менавіта гэтая фармулёўка часцей за ўсё сустракаецца ў аператыўных зводках МНС. І гэтая праблема, нягледзячы на маштабную прафілактычную працу, якая праводзіцца ратавальнікамі, на жаль, па-ранейшаму злобадзённая.
З 2 па 30 лістапада на тэрыторыі Лепельскага раёна пройдзе рэспубліканская акцыя «Не прапальвай сваё жыццё!». З мэтай скарачэння колькасці пажараў і гібелі людзей на іх, работнікі МНС ахопяць розныя мэтавыя аўдыторыі. Першапачаткова, з 2 па 6 лістапада, увага прадстаўнікоў службы выратавання будзе накіравана на арганізацыю інфармацыйна-прапагандысцкіх мерапрыемстваў з пасажырамі грамадскага транспарту, наведвальнікамі прывакзальных пунктаў грамадскага харчавання, гандлёвых кропак і г.д. Удзельнікам акцыі прапануюць «Маршруты бяспекі» і магчымасць абмяняць цыгарэты, як прычыну згубнай звычкі не толькі для здароўя, але і жыцця чалавека, на цукеркі.
З 9 па 13 лістапада ратавальнікі наведаюць прамысловыя прадпрыемствы і арганізацыі горада і раёна. У рамках другога этапу акцыі прадугледжана правядзенне інфармацыйных дзён сярод працоўных калектываў на тэму выканання правілаў бяспекі, а таксама інфармацыйна-навучальных мерапрыемстваў «Шоу без цыгарэт» у пунктах грамадскага харчавання.
На трэцім этапе, які працягнецца з 16 па 20 лістапада, мэтавай аўдыторыяй для правядзення прафілактычнага мерапрыемства стануць навучэнцы Лепельскага аграрна-тэхнічнага каледжа.
Фінальныя мерапрыемствы акцыі запланаваны на перыяд з 23 па 30 лістапада. У месцах масавага знаходжання людзей разгорнуць працу інтэрактыўныя пляцоўкі ад МНС «Перамагай слабасць», «Цыгарэту на прысмак», «Тваё здароўе», тэматычная віктарына па
АБЖ і г.п. Ратавальнікі падрыхтуюць «Карту падпаленых недакуркаў», дзе пазначаць месцы ў населеным пункце, у якіх адбыліся пажары па прычыне неасцярожнага абыходжання з агнём пры курэнні. Будуць працаваць тэматычныя фотазоны, творчыя пляцоўкі.