Так, кіпіць праца на тэрыторыі ДПУ «Бярэзінскі біясферны запаведнік», дзе разгарнуў сваю дзейнасць студэнцкі атрад «Іскра» імя Героя Сацыялістычнай Працы М.В. Анібраевай ад Лепельскага БРСМ. Дарэчы, з прыродаахоўнай установай былі заключаны дагаворы на арганізацыю дзейнасці студэнцкіх атрадаў з Лепельскім і Докшыцкім раённымі камітэтамі Грамадскага аб'яднання «Беларускі рэспубліканскі саюз моладзі». Актывісты ва ўзросце ад 14 гадоў са складу навучэнцаў устаноў адукацыі двух раёнаў і раённых цэнтраў Віцебскай вобласці працуюць у розных структурных падраздзяленнях нашай установы. Маладыя людзі наводзяць парадак на тэрыторыі Лясным заапарку і заапарку хатніх жывёл, займаюцца добраўпарадкаваннем тэрыторыі гасцінічных комплексаў «Сяргюч» і «Плаўна», аказваюць дапамогу ва ўборцы нумароў і залаў рэстаранаў, у правядзенні навуковых даследаванняў на пастаянных пробных плошчах, дапамагаюць супрацоўнікам аддзела лясной гаспадаркі.