З 1 сакавіка 2016 года ўступаюць у сілу асноўныя палажэнні Указа Прэзідэнта Рэспублікі Беларусь ад 26 лістапада 2015 г. № 475, у тым ліку тыя, што закранаюць змены ў ліцэнзаванні дзейнасці па забеспячэнні пажарнай і прамысловай бяспекі.
З 1 сакавіка 2016 года ўступаюць у сілу асноўныя палажэнні Указа Прэзідэнта Рэспублікі Беларусь ад 26 лістапада 2015 г. № 475, у тым ліку тыя, што закранаюць змены ў ліцэнзаванні дзейнасці па забеспячэнні пажарнай і прамысловай бяспекі.
Асноўнай мэтай падрыхтоўкі змяненняў (дапаўненняў) ва Указ Прэзідэнта Рэспублікі Беларусь ад 01 верасня 2010 г. № 450 «Аб ліцэнзаванні асобных відаў дзейнасці» стала забеспячэнне практычнай рэалізацыі мер, накіраваных на далейшае ўдасканаленне заканадаўства аб ліцэнзаванні, у тым ліку праз скарачэнне колькасці работ і паслуг, што складаюць дзейнасць па забеспячэнні пажарнай бяспекі, аптымізацыю і спрашчэнне ліцэнзійных працэдур і практычную рэалізацыю патрабаванняў Дырэктывы Прэзідэнта Рэспублікі Беларусь ад 31 снежня 2010 г. № 4 «Аб развіцці прадпрымальніцкай ініцыятывы і стымуляванні дзелавой актыўнасці ў Рэспубліцы Беларусь».
Аб'ектыўнымі прычынамі адмовы ад ліцэнзавання з'явіліся як выключэнне дублявання функцый іншых дзяржорганаў, якія ажыццяўляюць выдачу дазвольных дакументаў, так і магчымасць ажыццяўлення кантролю за дзейнасцю суб'ектаў гаспадарання ў сферы бяспекі ўнутры ведамства ў межах дзяржаўнага пажарнага нагляду, правядзення работ па сертыфікацыі, нагляду ў галіне абароны насельніцтва і тэрыторый ад надзвычайных сітуацый прыроднага і тэхнагеннага характару.
Прадугледжана адмена ліцэнзавання эксплуатацыі пажара- і выбуханебяспечных вытворчасцей і аб'ектаў з масавым знаходжаннем людзей.
Не будзе падлягаць ліцэнзаванню правядзенне выпрабаванняў на пажарную небяспеку на агнястойкасць рэчываў, матэрыялаў, вырабаў, абсталявання і будаўнічых канструкцый, паколькі працэдура атрымання ліцэнзіі ідэнтычная працэдуры акрэдытацыі, праводзімай РВУП «Беларускі дзяржаўны цэнтр акрэдытацыі».
Адмена ліцэнзавання вытворчасці, капітальнага рамонту пажарнай тэхнікі (машын і абсталявання), рыштунку, выратавальных прылад, вогнетушыцеляў, вогнетушачых рэчываў і іншых сродкаў супрацьпажарнай абароны (за выключэннем капітальнага рамонту вогнетушыцеляў) абумоўлена тым, што сродкі супрацьпажарнай абароны падлягаюць абавязковай ацэнцы адпаведнасці патрабаванням тэхнічных нарматыўных прававых актаў (сертыфікацыі, дэклараванню) і іх якасць правяраецца і пацвярджаецца пры праводзімых у межах сертыфікацыі і дэкларавання працэдурах (аналізах стану вытворчасці, штогадовых інспекцыйных кантролях, выпрабаваннях). Таксама не будзе патрабавацца атрыманне ліцэнзіі для рэалізацыі сродкаў супрацьпажарнай абароны юрыдычнай асобай (індывідуальным прадпрымальнікам), якая ажыццяўляе іх вытворчасць на тэрыторыі Рэспублікі Беларусь.
Паколькі ў адпаведнасці з Законам Рэспублікі Беларусь ад 5 мая 1998 года «Аб абароне насельніцтва і тэрыторый ад надзвычайных сітуацый прыроднага і тэхнагеннага характару» абавязкі па папярэджанні надзвычайных сітуацый ускладзены на рэспубліканскія органы дзяржаўнага кіравання, мясцовыя выканаўчыя і распарадчыя органы, іншыя арганізацыі, ліцэнзуемая паслуга па стварэнні і функцыянаванні падраздзяленняў, якія ажыццяўляюць папярэджанне і ліквідацыю надзвычайных сітуацый, змяняецца і будзе ў сабе ўтрымліваць толькі стварэнне і функцыянаванне падраздзяленняў, якія ажыццяўляюць тушэнне пажараў.
Таксама прадугледжана адмена ліцэнзавання навукова-тэхнічнай і кансультацыйнай дзейнасці ў галіне забеспячэння пажарнай бяспекі. Выключэнне абумоўлена тым, што забеспячэнне пажарнай бяспекі рэгламентуецца нормамі і правіламі пажарнай бяспекі, што і так з'яўляецца абавязковым для выканання ўсімі юрыдычнымі асобамі і грамадзянамі.
Прадугледжана карэкціроўка экспертнай дзейнасці па забеспячэнні пажарнай бяспекі. З уступленнем у дзеянне змен ва Указ дадзеная паслуга будзе ўтрымліваць наступную фармулёўку: «экспертная дзейнасць па распрацоўцы пашпартоў пажарнай бяспекі, выкананні разлікаў па забеспячэнні (ацэнцы) пажарнай бяспекі».
У сувязі са зменамі не будзе неабходнасці ў наяўнасці ліцэнзіі на дзейнасць у галіне прамысловай бяспекі пры эксплуатацыі небяспечных вытворчых аб'ектаў, аднесеных у адпаведнасці з заканадаўствам да III тыпу небяспекі. Па прагнозах колькасць ліцэнзіятаў скароціцца з 3200 да 1800.
Таксама вызначаны паўнамоцтвы і функцыі Дзяржпрамнагляду, у тым ліку па прыёме дакументаў, разглядзе пытання аб спыненні дзеяння ліцэнзіі ва ўстаноўленым парадку, выдачы аформленых ва ўстаноўленым парадку ліцэнзій; фарміраванні і вядзенні рэестра ліцэнзій і іншыя.
Удакладнены ліцэнзійныя патрабаванні да суіскальніка ліцэнзіі і ліцэнзіята ў частцы кваліфікацыі работнікаў, а таксама ўнесены змяненні і ўдакладненні адносна грубых парушэнняў пры ажыццяўленні дзейнасці ў галіне прамысловай бяспекі.
Зменены парадак прадстаўлення дакументаў – нароўні з падачай дакументаў у ліцэнзуючы орган асабіста прадстаўніком суіскальніка ліцэнзіі (ліцэнзіята) прадастаўляецца магчымасць накіравання такіх дакументаў па пошце або ў выглядзе электроннага дакумента.
Таксама зменены парадак спынення дзеяння ліцэнзій. Пытанне аб спыненні дзеяння ліцэнзіі па прадугледжаных падставах разглядаецца ліцэнзуючым органам у прысутнасці ліцэнзіята альбо яго ўпаўнаважанага прадстаўніка.
У выпадку нез'яўлення ліцэнзіята альбо яго ўпаўнаважанага прадстаўніка пытанне аб спыненні дзеяння ліцэнзіі разглядаецца ў іх адсутнасць. Пры немагчымасці прысутнасці ліцэнзіята альбо яго ўпаўнаважанага прадстаўніка пры разглядзе названага ў частцы першай гэтага пункта пытання па ўважлівых прычынах ліцэнзіят мае права не пазней чым за 2 рабочыя дні да разгляду гэтага пытання прадставіць у ліцэнзуючы орган сваё меркаванне аб спыненні дзеяння ліцэнзіі ў пісьмовай форме.
Узмоцнены ліцэнзійныя патрабаванні ў галіне выкарыстання атамнай энергіі. Указам істотна пашыраецца пералік ліцэнзійных патрабаванняў і ўмоў ажыццяўлення дзейнасці ў галіне выкарыстання атамнай энергіі. Уводзіцца пералік асаблівых ліцэнзійных патрабаванняў і ўмоў, парушэнне якіх будзе з'яўляцца падставай для прыпынення дзеяння ліцэнзіі.
Адкарэктаваны пералік работ і паслуг, якія складаюць дзейнасць у галіне выкарыстання атамнай энергіі. Ліцэнзаванню будзе падлягаць выкананне работ і прадастаўленне паслуг эксплуатуючым арганізацыям, якія ўплываюць на бяспеку, уключаючы будаўніцтва аб'ектаў. У прыватнасці, уводзіцца ліцэнзаванне будаўніча-мантажных арганізацый, якія ажыццяўляюць работы па будаўніцтве Беларускай АЭС.