Гасцей Лепельшчыны, удзельнікаў конкурсу і гледачоў ад імя раённай улады прывітала намеснік старшыні райвыканкама Вераніка Хомбак:

- Кожны выхад на сцэну – гэта смеласць, праца і велізарная любоў да тэатра. Няхай сённяшні конкурс стане не толькі спаборніцтвам, але і святам творчасці, дружбы і новых адкрыццяў!

З трапятаннем у голасе і слязамі на вачах... Першае аддзяленне конкурсу, прысвечанага 80-годдзю Вялікай Перамогі, кранула кожнага ў зале. Юныя акцёры не проста гуляюць - яны пражываюць лёсы герояў вайны, перадаючы той боль, мужнасць і надзею, якія адчувалі іх прадзеды. Кожная пастаноўка - гэта жывы ўрок гісторыі, які запомніцца і дзецям, і дарослым.