1 ліпеня, Мінск /Алена Прус - БЕЛТА/. У Мінску і Віцебскай вобласці сёння пачалася датэрміновая выплата пенсій і дапамог за 3 ліпеня. Графік выплаты пенсій скарэкціраваны ў сувязі са святкаваннем Дня Незалежнасці. Пра гэта паведамілі карэспандэнту БЕЛТА ў РУП "Белпошта". Па графіку выплата пенсій (дапамог) у рэспубліцы з першага дня месяца ажыццяўляецца толькі ў горадзе Мінску і Віцебскай вобласці, у астатніх рэгіёнах - з пятага чысла месяца. Датэрміновая выплата пенсій і дапамог за 5 ліпеня ў сельскай мясцовасці Віцебскай, Гомельскай, Гродзенскай, Мінскай, Магілёўскай абласцей будзе праводзіцца 2 ліпеня, у сельскай мясцовасці Брэсцкай вобласці - 3 ліпеня (паштальёны працуюць у звычайным рэжыме). У "Белпошце" праінфармавалі, што 5 ліпеня бягучага года з'яўляецца працоўным днём для гарадскіх аддзяленняў паштовай сувязі, а 3 і 4 ліпеня будуць функцыянаваць толькі дзяжурныя аддзяленні паштовай сувязі. Фінансаванне для выплаты пенсій праведзена своечасова і ў неабходным аб'ёме.-0-

БЕЛТА